Gobiernu del Principau d'Asturies

Asturies, muncho más cerca

Tas en

Asturias.es Mediu Ambiente conmemora'l Día Européu de la Rede Natura con una ...
 

Aniciu

Mediu Ambiente conmemora'l Día Européu de la Rede Natura con una xornada d'educación ambiental y voluntariáu na sablera de Peñarronda

Los participantes, organizados en grupos de trabajo, eliminarán especies exóticas invasoras de las dunas de la playa

16/05/2018

La Dirección Xeneral de Biodiversidá del Principáu d'Asturies va celebrar mañana'l Día Européu de la Rede Natura 2000, que se conmemora'l 21 de mayu, con una xornada d'educación ambiental y voluntariáu na sablera de Peñarronda, un espaciu costeru incluyíu dientro d'esta rede y perteneciente tamién a la Rede Rexonal d'Espacios Protexíos cola categoría de Monumentu Natural.

Énte la presencia d'especies de flora invasora nesta Zona Especial de Caltenimientu Peñarronda-Barayo y Zona d'Especial Protección pa les Aves decidióse dedicar la xornada a la divulgación d'esta problemática ambiental, realizando actividaes d'identificación y control de delles de les especies más dañibles presentes en dichu espaciu como son: guardia d'asaltu (Aster squamatus), zamarraga (Conyza bonariensis), senecio d'El Cabu (Senecio angulatus), grama americana (Stenotaphrum secundatum) y yerba doncella de fueya ancha (Vinca sp).

Coles mesmes, van revisase les xeres realizaes otros años pa erradicar de les dunes nes que crez la única población d'alhelí de mar (Marcus-kochia littorea) especies invasores como la uña de gatu (Carpobrotus acinaciformis), el plumeru de la Pampa (Cortaderia selloana) y el pitosporo (Pittosporum tobira). L'alhelí de mar ye una especie protexida nel catálogu rexonal de flora amenaciada, cola categoría de “en peligru d'estinción”.

Na xornada va participar personal de la Dirección Xeneral de Biodiversidá, cola collaboración de Coxersa, que va apurrir guantes de látex, chalecos, bolses de basura y contenedores.

La celebración del Día Européu de la Rede Natura 2000 nació coles mires de reivindicar el papel de la organización como factor de caltenimientu del patrimoniu natural y elementu de desenvolvimientu sostenible. Celébrase'l 21 de mayu porque esi día de 1992 aprobóse la Directiva de Hábitats, la gran norma europea que, xunto cola Directiva d'Aves (aprobada en 1979), permitió la creación de la mayor rede d'espacios protexíos d'Europa, destinada a garantizar la supervivencia de les sos especies y hábitats.

La xornada de voluntariáu va desenvolvese d'alcuerdu al siguiente programa:

10:00 Alcuentru nel aparcamientu de la sablera de Peñarronda.

10:00 – 10:30 Charla introductoria y organización de grupos de trabayu.

10:30 – 14:00 Eliminación manual d'Especies Exótiques Invasores (EEI) nes dunes de la sablera

 

 

Información sobre el documento

© Copyright 2006. Gobiernu del Principau d'Asturies