Gobierno del Principado de Asturias

Asturias, mucho más cerca

Estás en

Aniciu La Conseyería de Sanidá acaba la reforma de los 50 cuartos del ...
 

Aniciu

La Conseyería de Sanidá acaba la reforma de los 50 cuartos del Hospital Carmen y Severo Ochoa, en Cangas del Narcea

Les obres, incluyíes nun plan plurianual de cinco años, supunxeron una inversión de 250.000 euros

09/06/2019

La Conseyería de Sanidá remató les obres de reforma y adecuación de los cincuenta cuartos del Hospital Carmen y Severo Ochoa, en Cangas del Narcea. Los trabayos, incluyíos nun plan plurianual de cinco años, supunxeron una inversión de 250.000 euros.

La reforma llevada a cabu dexó la renovación integral de los baños de los cuartos d’hospitalización, incluyida la so ampliación pa dotalos de duches y la renovación de tolos aparatos sanitarios, la illuminación, les tomes y los revestimientos interiores.

La postrera de les obres, rematada esta mesma selmana y con un costu de cuasi 45.700 euros, realizóse na unidá de Medicina Interna, onde, amás de reformar siete cuartos, camudóse una sala vieya de duches nun bañu y ducha adaptaos pa pacientes encamaos o con dificultaes de movilidá. Tamién s’ameyoraron los almacenes de les unidaes d’enfermería.

 

Información sobre el documento

© Copyright 2006. Gobierno del Principado de Asturias