Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances Presupuestos y Cuentes El Gobiernu d'Asturies destina cien mil euros a la compra ...
 

Presupuestos y Cuentes

El Gobiernu d'Asturies destina cien mil euros a la compra d'equipos y la rehabilitación d'instalaciones sanitaries na Franxa de Gaza

Esta acción humanitaria va ameyorar l'asistencia en dos centros d'atención primaria de salú y va algamar a 90. 000 persones, sobremanera, muyeres y menores

Personal de enfermería midiendo la glucosa a un paciente en un centro de salud de Unrwa. Foto Unrwa España

25/12/2019

El Gobiernu del Principáu va destinar una ayuda de cien mil euros al Comité Español de l'Axencia de Naciones Xuníes pa los Refuxaos de Palestina n'Oriente Próximu (Unrwa) p’ ameyorar los servicios sanitarios emprestaos a la población abellugada de Palestina. Esta ayuda va permitir rehabilitar les instalaciones del centru de salú de Tal Sultan y dotar d'equipamientu'l consultoriu de Sheikh Radwan, nes gobernaciones de Rafah y de Gaza respectivamente, al sur y centru de la Franxa de Gaza.

Esta ayuda va sirvir para adquirir un xenerador eléctricu para'l centru de salú de Sheikh Radwan. Nesta zona, de resultes del zarru de la única central eléctrica de Gaza y la grave crisis enerxética provocada, la mayoría de llares y servicios públicos, incluyíos centros de salú y hospitales, reciben eletricidá de la rede un máximu de cuatro hores diaries, siguíu d'un corte d'eletricidá de doce hores. Esta situación obliga a la instalación de xeneradores pa poder caltener los equipos eléctricos en funcionamientu y nun atayar operaciones o tratamientos nel casu de fallos nel suministru.

Nel centru de salú de Tal Sultan van llevase a cabu llabores de rehabilitación de la farmacia y arreglos nes consultes y sales del centru. Dambos proyectos van tener efectos bien positivos sobre'l cuidu de la salú de la población abellugada palestina, algamando a 90.000 persones beneficiaes, de les qu'el 49% son muyeres y el 40%, menores d'edá.

L'ayuda aprobada pol Principáu obedez a una crisis humanitaria derivada del conflictu árabe israelín de 1948, que desencadenó en distintos momentos la fuxida de cientos de miles de persones que buscaron abelugu en territoriu xordanu, llibanés, siriu y nes zones de l'actual Cixordania y Franxa de Gaza. Más de 700.000 movíos adquirieron la condición de persones abellugaes que caltienen hasta'l momentu presente, más de 70 años depués. Les condiciones son tan precaries que la ONU informó en 2012, y nuevamente en 2015, que de siguir nesta situación la Franxa de Gaza va ser inhabitable en 2020.



Sobre Unrwa

La Unrwa foi'l principal provisor integral d'atención primaria de salú pa esta comunidá en más de 69 años. Solamente en Gaza, xestiona ocho campamentos de población abellugada y 274 escueles primaries y d'educación superior básica. Nel ámbitu educativu emplega a más de 8.600 persones nos sos dos centros de formación profesional. Tamién dispón de 22 centros de salú primaria nos qu'empleguen a 936 persones y que reciben añalmente alredor de 4 millones de visites. En total, emplega a más de 13.000 persones en Gaza, de les qu'el 99.83% son personal local y con estatus de refuxáu de Palestina.

Información sobre el documento

© Copyright 2006. Gobiernu del Principau d'Asturies