Gobiernu del Principau d'Asturies

Asturies, muncho más cerca

Tas en

Asturias.es La Conseyería d’Educación y Cultura presenta n’A Caridá l’octavu ...
 

Aniciu

La Conseyería d’Educación y Cultura presenta n’A Caridá l’octavu númberu de la revista Trabatel

La publicación nació como un escaparate pa la creación lliteraria actual en gallego-asturianu

11/01/2018

Trabatel. Revista eonaviega de lliteratura presenta l’octavu númberu esti vienres 12 de xineru, a les siete de la tarde, na sala El Pajar del complexu cultural As Quintas d’A Caridá (El Franco). Esta publicación anual, de carácter non venal, ta editada pola Conseyería d’Educación y Cultura. Nació nel 2008 cola finalidá d’ofrecer un espaciu pa dar a conocer la creación lliteraria en gallego-asturianu.

Esta entrega nueva ufierta collaboraciones lliteraries inédites de Benxamín Méndez, Ana Vega, Félix Ferreiro, Lucía Iglesias, Aurora Bermúdez Nava, Andrea González y María Teresa López. Incluye amás una traducción al gallego-asturianu d’un cuentu de la escritora norteamericana Kate Chopin y reseñes de llibros publicaos nesa llingua dende’l númberu anterior. La revista, como vien siendo vezu, ta ilustrada por un fotógrafu de la zona occidental d’Asturies, nesti casu’l veigueñu Alberto Fernández de la Torre.

Como complementu a la presentación, va haber un recital poético nel que delles de les poetes que collaboren nesti númberu van lleer les sos composiciones acompañaes pola música del grupu Toyemerendas, que va ufiertar una actuación pequeña al final del actu. El públicu asistente va recibir como obsequiu un exemplar de la revista, que tamién se va unviar a los centros educativos y biblioteques de la zona occidental.

 

 

Información sobre el documento

© Copyright 2006. Gobiernu del Principau d'Asturies