Gobiernu del Principau d'Asturies

Asturies, muncho más cerca

Tas en

Asturias.es Noventa mil alumnos de 391 centros educativos van tener conexón ...
 

Aniciu

Noventa mil alumnos de 391 centros educativos van tener conexón a internet con tecnoloxíes de banda ancha ultrarrápida esti añu

17/05/2018

   - El conseyeru Isaac Pola y el ministru Álvaro Nadal presentaron güei nel IES de Infiesto esti proyectu, que va suponer una inversión de 6,5 millones

   - La iniciativa enmárcase na estratexa del Principáu pa potenciar la conectividá na zona rural y afitar población
   - La mayoría de los colexos ya institutos d'Asturies van disponer de conexón a la rede d'hasta 1 Gbps y un accesu wifi de 37 Mbps por estudiante

Unos 90.000 alumnos de 391 centros educativos públicos asturianos van tener conexón a internet per aciu tecnoloxíes de banda ancha ultrarrápida anguaño. El conseyeru d'Empléu, Industria y Turismu, Isaac Pola, y el ministru d'Enerxía, Turismu y Axenda Dixital, Álvaro Nadal, presentaron güei nel Institutu d'Enseñanza Secundaria (IES) de L’Infiestu el desenvolvimientu del programa Escueles conectaes n'Asturies, nun actu nel que tamién participó'l conseyeru d'Educación y Cultura, Genaro Alonso.

Esta iniciativa ye frutu del conveniu de collaboración d'avientu de 2015 ente'l Ministeriu d'Educación, Cultura y Deporte, l'Executivu autonómicu y la entidá pública empresarial Rede.es, dependiente del Ministeriu d'Enerxía, Turismu y Axenda Dixital, pa dotar a los centros docentes de conexón a internet por aciu redes de banda ancha ultrarrápida. El desenvolvimientu d'esta midida, tamién enmarcada na estratexa del Principáu pa potenciar la conectividad na pretende dotar al sistema educativu d'unes capacidaes de conectividá ultrarrápida que faen posible el diseñu de polítiques d'intercambiu y de collaboración del conocimientu de primer llinia.

N'Asturies, el plan Escueles conectaes súmase, de forma coordinada, a les iniciatives públiques qu'impulsa Gitpa y les privaes.

 

Comunicaciones avanzaes

La iniciativa, que se ta executando anguaño y va suponer una inversión de 6,5 millones, cofinanciada al traviés del Fondu Européu de Desarrollu Rexonal (Feder), va permitir a los centros disponer de les comunicaciones más avanzaes, con accesos de fibra óptica y otres tecnoloxíes pa llegar a velocidaes de 1 gigabit per segundu simétricu. Tamién van cuntar con un serviciu wifi ultrarrápidu en tolos espacios educativos. Amás, prevése la protección de la seguridá del accesu a internet de los alumnos.

Anguaño, 122 centros atópense na fase final d'implantación d'estes soluciones, unu d'ellos el IES de L’Infiestu, onde esta mañana hubo una demostración de les posibilidaes qu'ufierta la conectividád de banda ancha ultrarrápida na educación, al ampliar les posibilidaes de les aules tradicionales y favorecer la interacción directa ente espacios educativos xeográficamente distantes.

La demostración consistió na creación d'un aula virtual integrada por trés clases de distintos centros (IES de L’Infiestu, IES Doña Jimena, de Xixón, y IES Carmen y Severo Ochoa, de L.luarca), compartá de banda ancha pa la collaboración ente colexos esvalixaos y la supresión de les barreres que puede implicar l'allugamientu d'un centru na zona rural. Esta iniciativa potencia, por ello, la igualdá d'oportunidaes nel ámbitu educativu en tol Principáu.

 

Hasta 1 Gbps de caudal de conectividá por centru

Pola destacó qu'esta iniciativa va permitir “multiplicar hasta por diez la capacidá actual de conectividad de los centros educativos y por 50 veces la mínima”. Hasta agora, el colexu con mayor anchu de banda disponía de 100 Mbps y el que menos, de 1 Mbps. D'equí p'arriba, la mayor parte va tener ente 500 Mbps y 1 Gbps. “Nel futuru, cada alumnu asturianu va tener garantizaos 37 Mbps d'accesu wifi, lo que supón multiplicar por 30 la capacidá por cada estudiante”, añedió'l titular d'Empléu.

Na so aplicación n'Asturies, esti proyectu va beneficiar tamién a entidaes públiques y pequeñes y medianes empreses (pymes) allugaes nestes zones de la rexón, yá que van disponer de los servicios de conectividá del operador pa cubrir les sos necesidaes. Por casu, va facilitase l'accesu de los conceyos xuntaos al Consorciu Asturianu de Servicios Tecnolóxicos (CAST) a recursos de la Rede de Sistemes d'Aplicaciones y Redes pa les Alministraciones (Sara) y al propiu Principáu.

Al actu celebráu en L’Infiestu asistieron tamién los directores xenerales de Tecnoloxíes de la Información y les Comunicaciones (TIC), Víctor Solla; d'Industria y Telecomunicaciones, Manuel Monterrey, y d'Ordenación Académica ya Innovación Educativa, Francisco Laviana, mesmo que l'alcalde de Piloña, Iván Allende; el director xeneral de Marketing d'Orange, la empresa qu'executa'l proyectu, Samuel Muñoz; el director xeneral de Cisco España, sociu tecnolóxicu de l'axudicataria, Jose Manuel Petisco; y el director de Servicios Públicos Dixitales de la entidá pública Rede.es, Francisco Javier García Vieira.

 

 

Información sobre el documento

© Copyright 2006. Gobiernu del Principau d'Asturies