Gobierno del Principado de Asturias

Asturias, mucho más cerca

Estás en

Aniciu Pa tí Persones entamadores El Gobiernu d’Asturies invita a les empreses anovadores a ...
 

Persones entamadores

El Gobiernu d’Asturies invita a les empreses anovadores a participar nel programa Ances Open Innovation

Once compañíes grandes busquen startups pa resolver lo sos retos tecnolóxicos. El plazu pa participar va tar abiertu hasta’l 30 d’abril

25/04/2020

El Gobiernu del Principáu convida a toles empreses emerxentes d'Asturies a participar na tercer edición del proyectu Ances Open Innovation, un ambiciosu programa d'innovación nacional pol qu'once grandes compañíes busquen startups para resolver los sos retos tecnolóxicos. Les empreses interesaes van poder presentar les sos propuestes hasta'l 30 d'abril.

Les inscripciones pueden formalizase na web www.ancesopeninnovation.com .Tres un procesu de selección, les firmes tractores van escoyer a les ganadores coles que van poder desenvolver proyectos conxuntos.

Les firmes tractoras participantes son: Abbot, Aceites Maeva, Alsa, Capsa Vida (Central Llechera Asturiana), Informática El Tayu Inglés, Logitravel, Sacyr, Skf, Soltec, Symborg y Tereos. Trátase d'empreses de primer nivel de los ámbitos agroalimentariu, biotecnolóxicu, tresporte, construcción ya industrial ente los qu’ hai trés compañíes asturianes.

Caúna de les nueves empreses innovadores que resulte'l so retu ganador va recibir un premiu de 500 euros y la posibilidá de caltener la relación cola empresa tractora.



Coordinación del Centru Européu d'Empreses ya Innovación

Esti proyectu d'innovación abierta, consolidáu nos sos dos primeres entregues, llega de la mano de l'Asociación Nacional de Centros Europeos d'Empreses ya Innovación ( ANCES), y so la coordinación de Cristina Fanjul, vicepresidenta d’ ANCES y directora del Centru Européu d'Empreses y Anovación d'Asturies. Tien como oxetivu espublizar y consolidar el conceptu d'anovación abierta n'España, definíu pola Universidá de Harvard como “un paradigma pol que les empreses pueden llograr la innovación d'actores esternos, lo mesmo que de los sos propios departamentos d'I+D”.

El CEEI ye'l principal preséu del Gobiernu d'Asturies pa sofitar el emprendimientu anovador. El centru acompaña a nueves empreses nel so procesu de crecimiento y favorez contactos ente estes firmes y axentes esternos o compañíes tractoras. Un exemplu d'esta fórmula de trabayu son los exitosos programes rexonales Open Innovation 4.0, que se desenvuelven so la coordinación del Institutu de Desenvolvimientu Económicu del Principáu ( Idepa) y que recibieron premios nacionales ya internacionales. La esperiencia con estes iniciatives resultó clave pa impulsar el proyectu Ances Open Innovation.

Información sobre el documento

© Copyright 2006. Gobierno del Principado de Asturias