Gobiernu del Principau d'Asturies

Asturies, muncho más cerca

Tas en

Asturias.es Muyeres Ivana Castañón y Unai Coto algamen el Premiu Astragal contra la ...
 

Muyeres

Ivana Castañón y Unai Coto algamen el Premiu Astragal contra la violencia sexista

El galardón ta dotáu con 3. 000 euros en metálicu y les obres van esponese nel Espaciu Astragal

19/12/2019

Ivana Castañón, col proyectu de videoarte Fem-Dom, y Unai Coto con 17 piezas, 17 mujeres, alzáronse col Premiu Astragal contra la violencia sexista convocáu pola Conseyería de Presidencia del Principáu. Dambes obres, que van recibir los dos premios en metálicu de 3.000, van ver la lluz el próximu añu nel Espaciu Astragal, dependiente del Conseyu de la Mocedá de Xixón.

La Conseyería de Presidencia, al traviés del Institutu Asturianu de la Mocedá, convoca'l Programa Nuevos Artistes contra la violencia de xéneru, nel que s'inclúi'l Premiu Astragal contra la violencia sexista. Esti programa tien como oxetivu la sensibilización y prevención al respective de cualquier tipu de violencia machista y la tolerancia cero escontra ella como oxetivu fundamental.

Fem-Drome ye un proyectu d'acción y videoarte integráu que busca formar una unidá dramática y narrativa al traviés de la cual esquízase'l rol activu-pasivu de la muyer a la hora d’interiorizar los discursos hexemónicos sobre la identidá femenina, sobremanera, los que s'espublicen al traviés de los medios audiovisuales.

Ivana Castañón (Castrillón, 1995) ye llicenciada en Socioloxía y Filosofía pola Universidá d'Uviéu y Máster n'Estudios de la Ciencia, la Tecnoloxía y la Innovación. Realizó cursos de pianu, viola, fotografía, cerámica y teatru. Recibió'l Premiu del Principáu d'Asturies Sexualidaes 2018 y espunxo la so obra na Escuela d'arte d'Uviéu, el CISLAN y otros espacios culturales d'Asturies. En 2014 formó parte de la Esposición colectiva Escuela Nacho Suárez nel Espaciu cultura ATRIO 2014 y llogró el segundu premiu nel Certame Internacional Llaboratoriu d'Ágora 2014.

17 pieces, 17 mujeres ye un proyectu d'instalación cerámica y performance qu'esquiza la relación ente la situación actual de la muyer y los materiales cerámicos.

Unai Coto (Llanera, 1995), tien un Grau en Filosofía y ye estudiante del Máster de Formación del Profesoráu pola Universidá d'Uviéu. Realizó práctiques n'Unidá de Cultura Científica nel CIEMAT. Ente 2018 y 2019 realizó'l cursu d'introducción a la cerámica en Factoría Cultural y anguaño cursa'l perfeccionamiento. En 2018 ganó'l concursu cerámicu de la Confrería del Colesterol

Información sobre el documento

© Copyright 2006. Gobiernu del Principau d'Asturies