Gobiernu del Principau d'Asturies

Asturies, muncho más cerca

Tas en

Asturias.es Les estaciones d'esquí cierren la temporada con 128.804 usuarios ...
 

Aniciu

Les estaciones d'esquí cierren la temporada con 128.804 usuarios y una recaldación de más de 1,8 millones pola venta de forfaits

Les cifres definitives confirmen que foi una de les meyores campañes de los cinco años últimos, con una media de 532 esquiadores por día d'instalación abierta. Payares y Fontes d'Iviernu acoyeron una Selmana Blanca bien participativa, con 5. 394 alumnos de 144 centros educativos

De izqda. a dcha.: el director de Fuentes de Invierno, Jorge Fernández; el director general de Deportes, José Ramón Tuero, y el director de Valgrande-Pajares, Javier Martínez

16/04/2018

El zarru definitivu de les cifres de la temporada d'esquí confirma que la campaña 2018-2019 foi una de los meyores de los cinco años últimos, con un total de 128.804 usuarios y una recaldación de más de 1,8 millones pola venta de forfaits.

El recuentu definitivu reflexa una medría significativa al respective de los 80.300 usuarios de la temporada pasada. En concreto, 68.991 esquiadores visitaron Payares y Fontes d'Iviernu recibió a 59.813. La estación l.leniza, qu'abrió 125 díes, tuvo una media de 552 usuarios por xornada, y l'ayerana, que tuvo abierta 117, atraxo a 511 deportistes diarios.

El director xeneral de Deportes, Ramón Tuero, presentó güei estos datos en rueda de prensa acompañáu polos directores de Valgrande-Payares, Javier Martínez, y Fontes d'Iviernu, Jorge Fernández.

La fin de selmana de'l 24 y 25 de febreru marcó les meyores cifres de la temporada pa dambes estaciones: el sábadu en Valgrande-Payares, qu'acoyó a 2.411 usuarios, y el domingu en Fuentes, con 2.393, lo que computó 4.804 deportistes.

La recaldación por venta de forfaits algamó los 1.020.384 euros en Valgrande-Payares y 825.772 en Fontes d'Iviernu, lo que suma un total de 1.846.146 frente a los 1.104.595 de la temporada pasada. Les estaciones emitieron 2.219 abonos anuales: 1.778 d'ellos de prepagu y 441 normales, amás de 40 pa travesía en Payares.

La Selmana Blanca tamién marcó bones cifres y cerróse cola participación de 5.394 alumnos procedentes de 144 centros educativos, frente a los 5.076 del cursu pasáu. Fuentes d'Iviernu acoyó a 3.259 escolares y Payares, a 2.135.

Tamién les visites a les páxines web (1.181.075) y la recarga de forfaits per internet (1.946 en Payares y 1.021 en Fontes d'Iviernu) aumentaron al respective de la campaña pasada.

Tuero valoró'l balance positivu de la temporada y llamentó que la envernada obligara a cerrar les estaciones mientres delles xornaes: 4 Payares y 8 Fontes d'Iviernu.

   Icono gráfico alusivo al tipo de archivo Audiu (Audiu: 775 Kb) (n'español)

Información sobre el documento

© Copyright 2006. Gobiernu del Principau d'Asturies