Gobiernu del Principau d'Asturies

Asturies, muncho más cerca

Tas en

Asturias.es Temes Tresportes y Movilidá Tresporte ferroviariu y por cable El serviciu del funicular de Bulnes va suspendese ente'l 18 de ...
 

Tresporte ferroviariu y por cable

El serviciu del funicular de Bulnes va suspendese ente'l 18 de febreru y el 1 de marzu por trabayos d'inspección

El Principáu alcordó les feches de la parada col Conceyu y los vecinos pa minimizar les molesties

10/02/2020

El funicular de Bulnes va parar dende'l próximu 18 de febreru hasta'l 1 de marzu, dambos inclusive, p'acometer trabayos d'inspección integral. Mientres los trelce díes nos que va tar interrumpíu'l serviciu van revisase y van inspeccionase los vagones y tolos sos elementos: frenos, suspensión, exes y ruedes y otres pieces y elementos menores como latiguillos, tornillería y casquillos. L'actuación, que va riquir alzar los vagones, va realizase na estación inferior.

El director xeneral de Movilidá y Conectividá, Jorge García, y el director de l'Axencia Asturiana de Tresportes y Movilidá, José Manuel Caldevilla, acompañaos del alcalde de Cabrales, José Sánchez, informaron güei a los vecinos de Bulnes de tolos detalles de la próxima parada, cola mira de minimizar les molesties.

El serviciu de tresporte per cable yá suspendiera los sos viaxes los díes 12, 13 y 14 d'avientu de 2019 p'acometer l'exame del grupu motriz y del reductor. Nesa ocasión desmontáronse tamién les pieces y repunxéronse los componentes que, pol so estáu, nun cumplíen coles tolerancies prescrites.

El contratu d'inspección del funicular xube a 391.246 euros, a abonar en dos anualidaes.

Información sobre el documento

© Copyright 2006. Gobiernu del Principau d'Asturies