Gobierno del Principado de Asturias

Asturias, mucho más cerca

Estás en

Aniciu Pa tí Persones entamadores Industria yá tramitó cuasi’l 70 % de los espedientes de ...
 

Persones entamadores

Industria yá tramitó cuasi’l 70 % de los espedientes de regulación temporal d'empléu vinculaos a la crisis del coronavirus

Los ERTE xestionaos pol Serviciu de Rellaciones Llaborales aumenten un 68,33 % al respective de la selmana pasada pola meyora del procesu. Dende'l 11 de marzu recibiéronse 10. 85 solicitúes y revisáronse 7.302, qu'afecten a 28.114 trabayadores

14/04/2020

La Conseyería d'Industria, Empléu y Promoción Económica tramitó yá 7.302 solicitúes d'espedientes de regulación temporal d'empléu (ERTE) de les 10.685 presentaes por cuenta de la crisis del COVID-19. D'esta miente, xestionáronse cuasi 7 de cada 10 piticiones (68,33 %). Según el Serviciu de Rellaciones Llaborales de la Dirección Xeneral d'Empléu y Formación, estos espedientes afecten a 28.114 trabayadores.

El director xeneral d'Empléu y Formación, Pedro Fernández-Raigoso, treslladó güei estos datos a los axentes sociales y económicos mientres la segunda xunta celebrada pola comisión de siguimientu impulsada pol Gobiernu d'Asturies p’analizar los ERTE provocaos pola crisis sanitaria. En concreto, les 10.685 solicitúes presentáronse dende'l 11 de marzu y hasta ayeri, 13 d'abril. Del total d’ERTE tramitaos, 7.154 (98 %) correspuenden a causes de fuerza mayor y afecten a 27.269 emplegaos. Otros 148 (2 %) atribúyense a otres causes (económiques, técniques, productives y organizatives) y afecten a 845 persones.

Al respective de l’actualización última de la Conseyería d'Industria divulgada'l 7 d'abril, hai que destacar:

• Modérase la presentación d'espedientes, al rexistrase una medría del 7,11 % nes solicitúes (+ 710).

• Aumenten un 60,48 % los tramitaos (+ 2.752) gracies a la meyora nos procedimientos técnicos, que dexa’l volcáu masivu de datos y les midíes adoptaes enantes pola conseyería, como'l refuerciu de personal y la simplificación de los trámites.

• Xuben un 69,7 % los trabayadores afectaos (+ 11.550) pola tramitación d'espedientes d'empreses de mayor tamañu.

Fernández-Raigoso destacó que la meyora importante nes cifres de tramitación d'espedientes débese “a les midíes adoptaes dende'l primer momentu pola Conseyería d'Industria y a la meyora de los procedimientos técnicos pa entainar la xestión de les solicitúes”. Tamién contribuyó la collaboración de los axentes sociales y económicos y el llabor desenvueltu polos distintos colexos profesionales del Principáu.



Total ERTE tramitaos (De los 10.685 presentaos)

Por fuercia mayor Por otres causes Total
ERTE 7.154 148 7.302
Trabayadores afectaos 27.269 845 28.114
Díes de suspensión (media) 45 90

 

Información sobre el documento

© Copyright 2006. Gobierno del Principado de Asturias