Gobiernu del Principau d'Asturies

Asturies, muncho más cerca

Tas en

Asturias.es El Principáu caltién abiertu hasta'l día 15 el plazu de consulta ...
 

Aniciu

El Principáu caltién abiertu hasta'l día 15 el plazu de consulta pública de la Llei de Participación Ciudadana

Les persones y entidaes interesaes pueden realizar les sos aportaciones al traviés del Portal de Tresparencia

10/11/2017

La Conseyería de Presidencia y Participación Ciudadana caltién abiertu hasta'l 15 d'esti mes el plazu de la consulta pública del anteproyectu de Llei de Participación Ciudadana, empecipiáu'l 29 de setiembre. El Gobiernu d'Asturies busca recabar el númberu mayor d'opiniones de persones y entidaes pa ellaborar un primer borrador, que foi unu de los compromisos adquiríos nel marcu del alcuerdu d’investidura y recuéyese, amás, nel catálogu de midíes de rexeneración democrática aprobáu en payares del 2015.

La ciudadanía puede aportar suxerencies al traviés del Portal de Tresparencia del Principáu, asina como cualquier reflexón sobre los problemes que tien de solucionar la iniciativa, la necesidá de la so aprobación, los sos oxetivos y les posibles opciones alternatives. Cola publicación d'esta consulta na web da cumplimientu al artículu 133 de la Llei 39/2015, de 1 d'ochobre, del Procedimientu Alministrativu Común de les Alministraciones Públiques.

Ente los propósitos del anteproyectu tán la regulación del derechu de participación ciudadana y el desenvolvimientu de les competencies autonómiques qu'impulsen la collaboración ente asociaciones, plataformes cíviques y instituciones pa facilitar la implicación directa de cualquier persona naquellos asuntos de competencia del Principáu.

La participación ta abierta al traviés d’esti enllaz:

https://sede.asturias.es/portal/site/Asturias/menuitem.fdc0a9c20e1626cdbb3b8b10bb30a0a0/?vgnextoid=c111081f29fbc510VgnVCM10000097030a0aRCRD&vgnextchannel=a9fff0eec897d210VgnVCM1000002f030003RCRD&i18n.http.lang=es

Puede consultase más información nesti videu:

https://youtu.be/4gDX03jRoVk

 

 

Información sobre el documento

© Copyright 2006. Gobiernu del Principau d'Asturies