Gobiernu del Principau d'Asturies

Asturies, muncho más cerca

Tas en

Asturias.es Temes Tresportes y Movilidá El Principáu va retomar esta fin de selmana los principales ...
 

Tresportes y Movilidá

El Principáu va retomar esta fin de selmana los principales servicios curuxa qu’operen pel branu

El númberu d’usuarios d’esta ufierta de movilidá xubiere a 31. 000 hasta la entrada en vigor del estáu d’alarma. El Consorciu de Tresportes amplía los autobuses al aeropuertu d’Asturies a partir de mañana

30/06/2020

El Gobiernu del Principáu va volver entamar a partir del vienres, 3 de xunetu, los principales servicios d’autobuses nocherniegos (curuxa) que se daben de manera regular el branu pasáu. El Consorciu de Tresportes d’Asturies (CTA) retoma esti tresporte públicu al empezar l’actividá nocherniega desque remató l’estáu d’alarma decretáu pola crisis sanitaria.

Estos servicios especiales del consorciu, que dan seguranza na movilidá nocherniega, son cada vez más usaos. Asina, anguaño tresportaren 31.000 viaxeros hasta’l pasáu 14 de marzu, fecha na qu’entró en vigor l’estáu d’alarma, lo qu’obligó a suspender estes rutes.

Les llinies que se van poner en funcionamientu son estes:

Los horarios van ser los habituales y puen consultase na web www.consorcioasturias.com. Otra manera, el CTA va aumentar los servicios de tresporte públicu per carretera al aeropuertu d’Asturies a partir de mañana, 1 de xunetu, desque regularizada la operativa de vuelos hasta’l día 13. A partir d’esa fecha, el consorciu va realizar otra ampliación d’autobuses al aeródromu, al tar prevista una mayor ufierta de vuelos.

Les páxines web del consorciu, d’Alsa y Aena van publicar diariamente l’horariu fixu al aeropuertu, a tenor del númberu de vuelos. Aconséyase, polo tanto, confirmar viaxe 24 hores primero, bien na web o al traviés del teléfonu del CTA, si hubo cambeos.

Los autocares van realizar los percorríos habituales, esto ye, dende y escontra Uviéu y dende y escontra Castrillón, Avilés y Xixón. Tolos vehículos que dean servicios al aeródromu tán adaptaos a persones con movilidá reducida.


Icono gráfico alusivo al tipo de archivo Cartel Servicios Aeropuerto (Pdf: 581 Kb) (n'español)

Información sobre el documento

© Copyright 2006. Gobiernu del Principau d'Asturies