Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes El Gobiernu d'Asturies promociona la marca Alimentos del Paraísu ...
 

Agricultura y montes

El Gobiernu d'Asturies promociona la marca Alimentos del Paraísu na feria de productos gastronómicos Gustoko

El Principáu participa con un estand propiu nesti certame, al que tamién asisten 16 empreses de la comunidá

La directora general de Desarrollo Rural e Industrias Agrarias, Begoña López dcha., y la directora de Desarrollo Rural y Litoral y Políticas Europeas, Irma Basterra, visitando la feria

06/03/2020

La directora de Desenvolvimientu Rural ya Industries Agraries, Begoña López, asistió güei en Baracaldo a la inauguración de la feria de productos alimentarios y gastronómicos Gustoko, na que'l Principáu participa con un estand propiu para promocionar marcar Alimentos del Paraísu, a la que se xuntaron 117 empreses.

Begoña López esplicó que'l Gobiernu d'Asturies realiza un importante trabayu d'espardimientu ya información paimpulsar esti sellu. “El nuestru apueste ye consiguir qu'aquellos productos venceyaos a la nuesa tierra, de calidá y distinguíos, s’acomúñen ya s’identifiquen col prestíu y los valores de la comunidá, aprovechando tol potencial de la marca turística Asturies paraísu natural”, señaló.

Gustoko, que celebra la so tercer edición, ye una feria de productos de calidá, producción sostenible, ellaboración artesanal y orixe autóctonu dirixida a productores, distribuidores, hosteleros, comerciantes y públicu polo xeneral. El certame, que se va enllargar hasta'l domingu, atraxo na so última edición a más de 16.000 visitantes.

Amás del estand del Principáu, los espositores asturianos que participen na feria son: Cerveza Ecolóxico Asgaya, fabEo, con fabas d'Asturies Indicación Xeográfica Protexía (IGP); Quesu Ovín, de los quesos artesanos d'Alimentos del Paraísu; Quesería Los Puertos, con quesu de la Denominación d'Orixe Protexida (DOP) Cabrales; Agroalimentaria Picos d'Europa, con quesu DOP Gamonéu; Alma Ablana, con productos ecolóxicos; Miel Ería de Valles, d'Alimentos del Paraísu; El Fornu de la Güela, con productos ecolóxicos; ASTURsabor, con platos precocinaos con races autóctones asturianes; Quesos Artesanos Rebollín, de la DOP Afuega´l pitu; Cárnicas Arango, con choscu de Tinéu IGP; Fabas El Romeo, Fabas y Verdinos de Llazan; Asturcilla, con productos ecolóxicos, y Quesería del Cares, con quesu Cabrales DOP.


Icono gráfico alusivo al tipo de archivo Audiu (Audiu: 560 Kb) (n'español)

Información sobre el documento

© Copyright 2006. Gobiernu del Principau d'Asturies