Gobiernu del Principau d'Asturies

Asturies, muncho más cerca

Tas en

Asturias.es El Gobiernu d'Asturies caltién activu en nivel preventivu'l ...
 

Aniciu

El Gobiernu d'Asturies caltién activu en nivel preventivu'l protocolu de contaminación del aire nes zones d'Uviéu y les cuenques

Nos díes últimos algamáronse valores altos de partícules, pero prevése que mañana llegue l'agua al Principáu

08/01/2019

El Gobiernu d'Asturies caltién activu esti martes el protocolu d'actuación n'episodios de contaminación del aire nel so nivel 0 o preventivu nes zones d'Uviéu y les cuenques.

D'alcuerdu a los valores de les estaciones de midida del Principáu, les concentraciones de micropartícules en suspensión siguieron en valores más elevaos de lo habitual nel día d'ayeri nel norte d'Uviéu, Llugones y les redolaes de Sama y La Felguera.

L'Axencia Estatal de Meteoroloxía (Aemet) prevé condiciones de ventilación favorables, con presencia d'agües na zona centro de la rexón pa les xornaes de mañana y pasáu, lo que va contribuyir a dispersar la contaminación y, nel so casu, a abandonar les midíes preventives inda vixentes na xornada de güei.

El protocolu autonómicu aplícase a trés contaminantes: les partícules en suspensión PM10 (de diámetru inferior a 10 micres), PM2,5 (diámetru inferior a 2,5 micres) y dióxidu de nitróxenu y diferencia trés niveles: 0 (preventivu), 1 (avisu) y 2 (alerta). Nel primer nivel, 0 o preventivu, nun s'establecen restricciones de tráficu, magar s'encamienta l'usu del tresporte públicu y l'usu compartíu del vehículu priváu.

 

   Icono gráfico alusivo al tipo de archivo Cuenques (Pdf: 35 Kb)
   Icono gráfico alusivo al tipo de archivo Uviéu (Pdf: 34 Kb)

Información sobre el documento

© Copyright 2006. Gobiernu del Principau d'Asturies