Gobiernu del Principau d'Asturies

Asturies, muncho más cerca

Tas en

Asturias.es Temes Investigación Centros d'investigación d'Asturies empecipien la fabricación ...
 

Investigación

Centros d'investigación d'Asturies empecipien la fabricación n'impresión 3D de viseres y gafes pa personal sanitario

La Conseyería de Ciencia, Innovación y Universidá coordina una alianza público-privada pa crear dispositivos de protección individual contra'l COVID-19. Les árees d'I+D+i d’ArcelorMittal y ThyssenKrupp, asina como’l centru tecnolóxicu Idonial integren el consorciu pa intentar dar respuesta a les necesidaes d'hospitales de tol país

22/03/2020

La Conseyería de Ciencia, Innovación y Universidá coordina una alianza público-privada de centros d'investigación y innovación asturianos qu'empezaron a fabricar por aciu impresión 3D equipos de protección individual contra'l COVID-19, pal so usu por parte del personal sanitario. Hasta'l momentu, integráronse nel consorciu'l Centru Global d'I+D d’ArcelorMittal, el Thyssenkrupp Elevator Innovation Center, S.A, y el centru tecnolóxicu Idonial. Los diseños yá se tán compartiendo con países d'América Llatina como Arxentina, Chile y República Dominicana.

Estos equipamientos empezaron la fabricación de dispositivos como viseres y gafes de protección, y tamién ta n'estudiu la fabricación de cascos p’aplicar presión positiva continua nes víes respiratories (CPAP). Estos diseños tán coordinándose baxo la supervisión directa del personal del Hospital Universitariu Central d'Asturies (HUCA), garantizando asina la so adecuación a los estándares sanitarios y del Serviciu de Salú del Principáu (Sespa).

Amás, el centru sanitariu de referencia n'Asturies va facilitar un EPI (equipu de protección individual) completu para ver qué otros componentes pueden fabricase dende'l Principáu cola mira de surtir non solo a los centros rexonales, sinón tamién a los puntos d'España o otros países que lu precisen.

Los primeros modelos de visera y gafes van testase col personal clínico pa comprobar que s'afaen a les necesidaes.



Modelu pa otres iniciatives

Esti proyectu pretende, amás, intentar sirvir de guía para toles iniciatives que se tán promoviendo por redes sociales y nes que se fai un llamamientu a les persones que tengan imprentes 3D que puedan fabricar estos dispositivos de forma coordinada y validada por espertos.

El conseyeru de Ciencia, Innovación y Universidá, Borja Sánchez, destacó que son munches les empreses y particulares que se punxeron en contactu col Gobiernu d'Asturies pa poner a disposición material y collaborar na producción de dispositivos. “Pretendemos canalizar toes estes iniciatives y sirvir d'ayuda a les otres rexones onde anguaño la situación ye crítica, asina como a países de Llatinoamérica con recursos sanitarios escasos y onde la pandemia entá nun algamó los niveles d'Europa o EE. XX.”, indica.

Amás, dende'l Principáu inténtase habilitar un espaciu de formación pa personal sanitario nel que s'instruya sobre la colocación d'equipos de protección individual, se realicen simulaciones de manexu de ventilación non invasiva, intubación y otres actuaciones relevantes na llucha contra'l COVID-19.

Les propuestes y proyectos que sían d'interés y puedan tener una aplicación inmediata pueden unviase al corréu habilitáu pola Conseyería de Ciencia: cienciacovid19@asturias.org


Icono gráfico alusivo al tipo de archivo Audiu (Audiu: 875 Kb) (n'español)

Información sobre el documento

© Copyright 2006. Gobiernu del Principau d'Asturies