Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes El Gobiernu d’Asturies concede 454.375 euros n’ayudes a entidaes ...
 

Agricultura y montes

El Gobiernu d’Asturies concede 454.375 euros n’ayudes a entidaes asociatives agraries pa la meyora de les esplotaciones

Esta subvención impulsa la medría y la revalorización de les producciones y ayuda a frenar l’abandonu del campu

11/09/2020

La Conseyería de Mediu Rural y Cohesión Territorial concedió 454.375,85 euros n’ayudes a entidaes asociatives agraries pa la meyora de les esplotaciones agrícoles. La resolución publicóse güei nel Boletín Oficial del Principáu d’Asturies (Bopa).

L’aportación económica destínase a facilitar l’accesu de les cooperatives a factores de producción que nun podríen incorporar de forma individual por cuenta de los costos de la inversión. Les ayudes dexen la compra de máquines de sema directa y equipos pa la optimización de la recoyida de la lleche, coles que se dan servicios a les esplotaciones agrícoles y ganaderes que conformen les entidaes asociatives beneficiaries de les ayudes.

Esta midida ye un preséu importante pa promover la medría y la revalorización de les producciones y ayuda a frenar l’abandonu del campu al valir d’estímulu al sector primariu, porque les esplotaciones puen acceder a tecnoloxíes innovadores que contribúin, amás, al fortalecimientu social del mediu rural.

Información sobre el documento

© Copyright 2006. Gobiernu del Principau d'Asturies