Gobiernu del Principau d'Asturies

Asturies, muncho más cerca

Tas en

Asturias.es Temes Emplegu 1.715 empreses yá comunicaron la finalización de los sos ...
 

Emplegu

1.715 empreses yá comunicaron la finalización de los sos espedientes de regulación temporal d’empléu a l’autoridá llaboral

9. 243 trabayadores afectaos por ERTE nel Principáu reincorporáronse a los sos puestos de trabayu. La Conseyería d’Industria recibió 12. 552 solicitúes de suspensión o de reducción de xornada pola crisis sanitaria, qu’impliquen a 52.896 persones

01/07/2020

La recuperación paulatina de l’actividá económica ta treslladándose al mercáu llaboral y nes últimes selmanes 1.715 empreses comunicaron a la Conseyería d’Industria, Empléu y Promoción Económica la suspensión definitiva, por finalización, desistimiento o renuncia, de los espedientes de regulación d’empléu aplicaos de magar empezó la emerxencia sanitaria, a mediaos de marzu. D’esta manera, según les cifres que manexa la Dirección Xeneral d’Empléu y Formación como autoridá llaboral n’Asturies, 9.243 persones reincorporáronse yá a los sos puestos de trabayu.

De los espedientes que remataron, 1.683 presentáronse por causes de fuercia mayor y implicaben a 9.008 trabayadores, mentes qu’otros 32, xustificaos por delles razones, afectaron a 242 persones.

Otra manera, la Dirección Xeneral d’Empléu y Formación tramitó hasta agora 12.515 solicitúes d’espedientes de regulación temporal d’empléu qu’involucren a 52.896 trabayadores, lo que supón el 99,70 % del total presentáu dende’l 11 de marzu. D’ellos, 11.309 tienen la consideranza de fuercia mayor, con 40.985 persones afectaes, y los 1.206 restantes, debíos a otres causes, llevaron a 11.911 empleaos a la suspensión d’empléu o a la reducción de xornada.

La incidencia de los ERTE por sectores d’actividá vuelve reflexar nesta actualización nueva que los servicios encabecen les reducciones de xornada o suspensiones d’empléu, con 10.663 solicitúes y 38.024 persones implicaes. De siguío, tán la industria, con 1.471 espedientes y 11.937 afectaos, y la construcción, con 276 y 2.148 persones.

De nueves, por actividaes económiques, les empreses de restauración y hostelería, de comerciu minorista, de fabricación de productos metálicos, de peluquería y estética, y les d’arreglu y venta de vehículos son, per esti orde, les que más se vieron obligaes a reducir la xornada llaboral o suspender d’empléu a los sos trabayadores.


Icono gráfico alusivo al tipo de archivo Nota de prensa completa (Pdf: 226 Kb) (n'español)

Información sobre el documento

© Copyright 2006. Gobiernu del Principau d'Asturies