Gobiernu del Principau d'Asturies

Asturies, muncho más cerca

Tas en

Asturias.es La sala Borrón vuelve abrir mañana les sos puertes con la 30ª ...
 

Aniciu

La sala Borrón vuelve abrir mañana les sos puertes con la 30ª edición de la Muestra d’ Artes Plástiques del Principáu

La exposición incluye obres de la ganadora del Premiu Asturias Xoven, Elisa Cuesta, y d’otros seis creadores asturianos

27/05/2020

La Sala Borrón d'Uviéu va reabrir mañana les sos puertes, a partir de les 17:00 hores, cola 30ª edición de la Muestra d'Artes Plástiques del Principáu, qu'inclúi obres de la ganadora del Premiu Asturies Xoven d'Artes Plástiques, Elisa Cuesta, y de los ceadores asturianos Dela Delos, Juan Falcón, Mon Cabrales, Jorge Fernández, Noemí Iglesias y Nacho Izquierdo.

La esposición va poder visitase hasta'l 24 de xunetu na sala uvieina y, darréu, va exibise en distintos espacios de la comunidá.

Los trabayos tienen como nexu común l'arte basáu en datos, qu'interpreta encuestes, estadístiques y lóxiques algorítmiques y les convierte n'obres non convencionales que recreen los procesos comunicativos.

La ganadora d'esti añu del Premiu Asturies Xoven d'Artes Plástiques, Elisa Cuesta, llogró tamién l'últimu premiu Labjoven-Los Bragales por un proyectu que rastrexa la so buelga dixital. Nesta esposición axunta procesos qu'inclúin una investigación sobro la relación afeutiva hombre-máquina y sobro el papel de les interfaces dixitales dientro de los nuevos modelos de comunicación en rede.

La Muestra d'Artes Plástiques convócase cada añu per parte de la Conseyería de Presidencia al traviés del Institutu Asturianu de la Mocedá dientro del Programa Culturaquí y ye una muestra del compromisu del Gobiernu d'Asturies col arte xoven y el talentu d'artistes noveles. Participen ceadores residentes nel Principáu o descendientes hasta segundu grau d'emigrantes asturianos, que la so edá nun supere los 35 años.

Nestes trenta ediciones fueron escoyíos 285 artistes, dalgunos de los cualos son figures consolidaes del panorama actual.

Información sobre el documento

© Copyright 2006. Gobiernu del Principau d'Asturies