Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances Servicios Tributarios Asturies reclama al Gobierno del PP que retome’l diálogu pa ...
 

Servicios Tributarios

Asturies reclama al Gobierno del PP que retome’l diálogu pa consensuar el modelu de xestión del IRPF social pa 2018

La directora xeneral de Servicios Sociales, xunto a los representantes d’Andalucía, Aragón, Cantabria, Castilla La Mancha, Cataluña, Extremadura y Valencia, abandonaron güei la reunión técnica de trabayu pa treslladar el so malestar

26/07/2017

El Gobiernu d'Asturies, al pie de les comunidaes autónomes d'Andalucía, Aragón, Baleares, Cantabria, Castiella La Mancha, Cataluña, Estremadura y Valencia, reclamó güei al Ministeriu de Sanidá, Servicios Sociales ya Igualdá, que retome “el diálogu y el tonu compartíu” para avanzar de manera consensuada nel modelu de xestión de les subvenciones destinaes a oenexés con cargu al caxellu de fines sociales del IRPF para 2018.

Nun comunicáu conxuntu, los representantes autonómicos, qu'abandonaron güei la xunta técnica para amosar el so malestar pola forma na que l'Estáu ta plantegando les negociaciones, treslladaron la necesidá de que'l ministeriu “abandone'l oscurantismu de les últimes selmanes y los pidimientos de xuntes billaterales” y retome’l diálogu para llegar a un modelu estable y solidariu del IRPF”. En representación del Principáu d'Asturies asistió al alcuentru la directora xeneral de Servicios Sociales de Proximidá, Lina Menéndez.

Nel testu, esplicaron que “l'alcuerdu del modelu de xestión del IRPF social para'l 2017, adoptáu por unanimidá, ye frutu de la solidaridá, altor de mires y empatía ente les partes pa xenerar la máxima estabilidá nos programes d'acción social del tercer sector y garantizar que'l sofitu qu'exerz la ciudadanía cola so decisión individual y llibre quede aseguráu”.

Amás, detallaron que “esti alcuerdu incluyía la constitución d'un grupu de trabayu p'analizar el futuru del sistema de les subvenciones d'IRPF y de un modelu aplicable a partir del 2018, que se va someter a l'aprobación del plenu del Conseyu Territorial de Servicios Sociales y del Sistema pa l'Autonomía y Atención a la Dependencia de conformidá al calendariu aprobáu na comisión delegada de 7 de xunu de 2017”.

Por ello, soliciten al Ministeriu de Sanidá, Servicios Sociales ya Igualdá, que “dea a conocer los títulos competenciales de la convocatoria pa 2017 del tramu estatal del IRPF pa poder resolver demesmo qu’evitar les posibles duplicidades”.

Per otra parte, reclamen “la unviada de la información solicitada por distintes comunidaes autónomes na xunta del pasáu 27 de xunu pa poder avanzar áxilmente na confección del nuevu modelu tal que s'alcordó por unanimidá”.

A lo último, caltienen el so compromisu de “siguir trabayando abierta y solidariamente na confección del nuevu modelu y los nuevos criterios de repartu como fiximos hasta agora”, señalaron.

Información sobre el documento

© Copyright 2006. Gobiernu del Principau d'Asturies