Gobiernu del Principau d'Asturies

Asturies, muncho más cerca

Tas en

Asturias.es Temes Turismu El Principáu refuerza la imaxe de la comunidá como destín ...
 

Turismu

El Principáu refuerza la imaxe de la comunidá como destín turísticu seguru

La viceconseyera Graciela Blanco afirma que la xestión sanitaria de la pandemia resulta clave pa tresmitir enfotu a los visitantes. El Gobiernu d'Asturies potencia la formación sobro protocolos empobinaos ente los profesionales del sector

24/07/2020

La viceconseyera de Turismu, Graciela Blanco, destacó que la xestión de la crisis sanitaria y el refuerzu de los protocolos nel sector permitieron fortalecer la imaxe d'Asturies como destín turísticu seguru.

Blanco señaló que la respuesta a la pandemia de la covid-19 nel Principáu resultó clave pa tresmitir enfotu, a lo que se añede l'esfuerzu que realicen tanto la población como los distintos sectores económicos paincrementar la seguridá. “El compromisu de los profesionales del turismu colos protocolos y les midíes sanitaries fueron fundamentales pa reactivar el sector”, sorrayó.

Al so xuiciu, esti fechu tamién contribuyó a qu'Asturies figure ente les comunidaes que lideren la reapertura d'hoteles n'España, tal que figura nel últimu informe de la Federación Española d'Empreses de Distribución a Hostelería y Restauración.

Poor, la viceconseyera animó al sector a siguir invirtiendo en seguridá, “la opción más rentable pa cualquier establecimientu”.

El Programa de Garantía y Reactivación Turística, ellaboráu pol grupu de trabayu creáu n'abril pa facer frente a la crisis sanitaria, inclúi midíes que van dende la reorientación de les campañes de promoción al impulsu de la formación. Nesti sentíu, fortalecióse l'aprendizaxe de los profesionales del sector en distintos protocolos de seguridá pa la contención de la pandemia.

Nel ámbitu de la promoción, en mayu púnxose en marcha la campaña Asturies, tas faciéndolo bien, a la que se sumó otra específica pal usu responsable de les playes, realizada en collaboración cola Federación Asturiana de Conceyos (FACC).

Información sobre el documento

© Copyright 2006. Gobiernu del Principau d'Asturies