Gobiernu del Principau d'Asturies

Asturies, muncho más cerca

Tas en

Asturias.es El Centru Européu d'Empreses ya Innovación sofita la ...
 

Aniciu

El Centru Européu d'Empreses ya Innovación sofita la dixitalización de nueve compañíes industriales de Xixón

El CEEI clausura güei un programa que punxo en contactu a firmes asitiaes nel conceyu con otres más nueves para encarar retos tecnolóxicos

09/07/2018

El programa Tresformación dixital de la industria 4.0 permitió industriales de Xixón y nueves empreses innovadores pa desenvolver diverses soluciones tecnolóxiques que faciliten la digxitalización de les firmes participantes.

La iniciativa, promovida poel Centru Européu d'Empreses ya Innovación (CEEI), organismu dependiente de la Conseyería d'Empléu, Industria y Turismu, y desenvuelta de forma conxunta col Conceyu de Xixón, impulsa la industria 4.0 por aciu modelos d'innovación collaborativa ente empreses industriales consolidaes y compañíes emerxentes (startups) qu'actúen como habilitadores dixitales.

Mientres l'actu de clausura, celebráu nel Parque Científicu Tecnolóxicu de Xixón, la directora del Idepa y presidenta del CEEI, Eva Pando, destacó qu'esta iniciativa “permitió ensayar dinámiques d'innovación abierta y nuevos modelos d'innovación colaborativa ente la industria y un conxuntu de pymes pertenecientes a sectores bien distintos, como'l metalmecánicu, la construcción, el bienestar y la salú, pa dar un pasu decisivu na so estratexa de dixitalización”.

Na sesión tamién participaron la directora del CEEI, Cristina Fanjul; el xerente d'Impulsa, Rubén Hidalgo; l'espertu Rubén Casado, de la consultora Accenture Dixital, y representantes de les empreses participantes: Altabox, Delfintubes, Y. P.Y. Sociedá de Salvamentu y Seguridá Marítima Xovellanos, García Caña, Grupu SEM, Iknovatio, I-Llanza, Ingeniacity, Xuntes Industriales y Navales, Pixelshub, Táctica TIC, Termosalud, Tuinsa Norte, Triari Labs, Veratia y Virtual Intelligence.

El programa Tresformación dixital de la industria 4.0 cuntó col sofitu d'espertos de la consultora Accenture Dixital, quien ufiertaron a les compañíes metodoloxíes axiloses pal diseñu de les soluciones y formación al traviés de delles xornaes. 

Información sobre el documento

© Copyright 2006. Gobiernu del Principau d'Asturies