Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances Infraestructures invierte cuasi un millón en reparaciones ...
 

Economía y finances

Infraestructures invierte cuasi un millón en reparaciones d’emerxencia en carreteres d’Ayande y Cangas del Narcea

La directora xeneral d’Infraestructures, Esther Díaz, reunióse güei colos alcaldes de dambos conceyos

la directora xeneral d'Infraestructures, Esther Díaz (segunda pela esquierda na semeya), xunto al alcalde d'Ayande, José Antonio Mesa, na reunión que tuvieron na Casa Conceyu en La Puela

23/01/2020

La Conseyería d’Infraestructures, Mediu Ambiente y Cambéu Climáticu ta invirtiendo cerca un millón d’euros n’obres d’emerxencia en carreteres nos conceyos de Cangas del Narcea y Ayande.

La cantidá diola güei la directora xeneral d’Infraestructures, Esther Díaz, que visitó los conceyos y reunióse colos alcaldes, José Víctor Rodríguez y José Antonio Mesa, respectivamente, pa conocer enriba’l terrén l’estáu de les infraestructures y coordinar actuaciones.

En Cangas del Narcea, la inversión destínase a iguar dellos argayos por trámite d’emerxencia na carretera CN-7 Miraval.les-Trescastru, AS-213, Cangas del Narcea - El Puertu de L.leitariegos y AS-15, Corniana-La Col.lada Zarréu.

En concreto, les obres consistieron nel arreglu d’un fundimientu nel puntu quilométricu 3 de la CN-7, presupuestáu en 67.497 euros; un argayu nel puntu quilométricu 48,8 de l’AS-15, al que se destinen 109.000 euros, y otru nel puntu quilométricu 32,4 de la carretera AS-213 con un costu de 51.700 euros.

N’Ayande, la conseyería invirtió más de 700.000 euros n’obres como l’arreglu y retirada d’árboles de l’AS-14, que xunta Grandas de Salime y La Ponte l’Infiernu, con un costu de 45.000 euros; l’arreglu d’un fundimientu na ALL-3 de L.linares a la carretera Tinéu-La Puela, onde s’invirtieron 39.400 euros, y los trabayos realizaos nel puntu quilométricu 32,250 de l’AS-14.

Información sobre el documento

© Copyright 2006. Gobiernu del Principau d'Asturies