Gobierno del Principado de Asturias

Asturias, mucho más cerca

Estás en

Aniciu Situaciones na vida Visitar Asturies Educación pon en marcha un proyectu piloto de visites guiaes en ...
 

Visitar Asturies

Educación pon en marcha un proyectu piloto de visites guiaes en llingua asturiana a los museos de Belles Artes y Arquelóxicu

Les visites, que cunten con itinerarios pa centros escolares y públicu xeneral, van celebrase en dos xornaes de payares y avientu

23/11/2016

El director xeneral de Planificación Llingüística y Normalización, Fernando Padilla, presentó güei nuna rueda de prensa celebrada nel salón d'actos del Muséu Arqueolóxicu'l proyectu piloto de visites guiaes en llingua asturiana a los museos de Belles Artes y Arqueolóxicu, que’l so departamentu pon en marcha mientres los meses de payares y avientu d’anguaño.

Fernando Padilla, que tuvo acompañáu polos directores de dambos museos, Alfonso Palacio (Belles Artes) y Ignacio Alonso (Arqueolóxicu), destacó qu'esta acción enmárcase nes midíes que la Conseyería vien poniendo en marcha pa promover l'usu de la llingua asturiana en tolos ámbitos, y que con ella búscase en concreto “averar a la población asturiana'l mundu del Arte y la Hestoria de la so tierra emplegando la llingua tradicional”.

Esta inicitativa, que yá s'esperimentó nel mes de mayu pasáu mientres la Selmana de les Lletres Asturianes con resultaos positivos, quier consolidase “cola organización nel 2017 de visites guiaes mensuales nos dos equipamientos museísticos con distintos itinerarios de conteníos”, indicó'l director xeneral.

Les visites pa centros escolares van celebrase los vienres 25 de payares y 16 d'avientu, mentes que’l públicu xeneral va poder participar de baldre nesta actividá mientres les mañanes de los sábados 26 de payares y 16 d'avientu. Más información y reserves nel teléfonu 985101915 o'l mail splnormalizacion@asturias.org

 

   Icono gráfico alusivo al tipo de archivo Guía (Pdf: 95 Kb) (n'español)

   Icono gráfico alusivo al tipo de archivo Cartel (Pdf: 103 Kb) (n'español)

Información sobre el documento

© Copyright 2006. Gobierno del Principado de Asturias