Gobiernu del Principau d'Asturies

Asturies, muncho más cerca

Tas en

Asturias.es Temes Artesanía y comerciu Comerciu Valnalón, Sodeco y el Consejo Superior de Investigaciones ...
 

Comerciu

Valnalón, Sodeco y el Consejo Superior de Investigaciones Científiques impulsean la creación de microempreses dende’l Centru de Nanomateriales d’El Entregu

Les trés entidaes ponen en marcha'l proyectu Open Lab Asturies p’ asesorar y emprestar sofitu financieru a proyectos susceptibles de convertise n'idees empresariales. El conseyeru d'Industria destaca les posibilidaes que s’abren pa la xeneración d'actividá y empléu na contorna del Nalón

El consejero de Industria, Empleo y Promoción Económica, Enrique Fernández; el alcalde de San Martín del Rey Aurelio, José Ángel Álvarez Quirós; el director general de Comercio, Emprendimiento y Economía Social y presidente de Valnalón , Julio González Zapico, y el presidente de Hunosa, Gregorio Rabanal

24/07/2020

La Ciudá Industrial del Nalón (Valnalón), la Sociedá pal Desenvolvimientu de les Comarques Mineres (Sodeco) y el Centru Superior d'Investigaciones Científiques (CSIC) presentaron esta mañana Open Lab Asturies, una iniciativa empobinada a la promoción y puesta en marcha de microempreses a partir de les actividaes d'I+D+i desenvueltes nel Centru d'Investigación de Nanomateriales y Nanotecnoloxía (CINN) d'El Entregu.

El proyectu, de calter pioneru, suma los esfuerzos de trés entidaes altamente especializaes nos sos ámbitos d'actividá col fin d'intentar que proyectos d'investigación del CINN puedan tresformase n'iniciatives empresariales xeneradores d'actividá y empléu y, por tanto, nun vector de la dinamización económica del valle del Nalón.

Open Lab Asturies va conectar la excelencia investigadora del CINN nel ámbitu de los nanomateriales y la so aplicación práctica en campos como la salú, les tecnoloxíes de la información y los materiales avanzaos, cola esperiencia de Valnalón nel emprendimientu y la capacidá de Sodeco pa financiar proyectos empresariales.

El conseyeru d'Industria, Empléu y Promoción Económica, Enrique Fernández, qu'esta mañana asistió a la firma del protocolu de collaboración ente les trés entidaes, aseguró que la iniciativa trata de “poner en conexón innovación y mercáu, d'aprovechar sinerxes y promover actividá económica y empléu d'alta cualificación nun conceyu que precisa aprovechar les potencialidaes del Centru d'Investigación de Nanomateriales y Nanotecnoloxía”.

Amás de la so actividá investigadora, el CINN coopera con empreses privaes al traviés de los llaboratorios abiertos (open labs), pero l'oxetivu agora ye que tamién pueda desenvolver un sementerul empresarial col asesoramientu y respaldu de Valnalón y Sodeco.

Amás de los servicios d'asesoramientu y financiación de microproyectos empresariales, les trés entidaes promotores pretenden otros dos propósitos: la realización d'actividaes de collaboración en materia de tresferencia de tecnoloxía y la collaboración del so personal na organización y desenvolvimientu d'eventos y actuaciones conxuntes.

El conveniu va durar cuatro años y foi robláu pol director xeneral de Comerciu, Emprendimientu y Economía Social, Julio González Zapico, en calidá de presidente de Valnalón; Rosina López-Alonso, vicepresidenta d'Organización y Relaciones Institucionales del CSIC, y Antonio Crespo Campillo y Francisco Fernández Viesca, de Sodeco. Al actu asistieron tamién el presidente d'Hunosa, Gregorio Rabanal; l'alcalde de Samartín del Rei Aurelio, José Ángel Álvarez; la directora xerente de Valnalón, Marta Pérez, y la directora xeneral del Idepa, Eva Pando.

El Centru d'Investigación en Nanomateriales y Nanotecnología (CINN) creóse en 2007 por iniciativa conxunta del CSIC, el Gobiernu d'Asturies y la Universidá d'Uviéu pa combinar investigación interdisciplinar altamente competitiva con actividaes científico-tecnolóxiques y desenvolver un modelu d'innovación basáu n'espacios d'investigación público-privaos.

Sodeco, participada por Hunosa y el Principáu al 50%, ye la sociedá de referencia na promoción de nuevos proyectos empresariales y actividaes económiques nes contornes mineres.

Pela so parte, Valnalón desenvuelve la so actividá nel ámbitu de la educación y promoción entamadora, asesorando a empreses de nueva creación o n'afitamientu, a les que facilita servicios y espacios pa desenvolver el so proyectu.


Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies