Gobierno del Principado de Asturias

Asturias, mucho más cerca

Estás en

Aniciu Educación convoca subvenciones a entidaes locales pa la ...
 

Aniciu

Educación convoca subvenciones a entidaes locales pa la normalización social del asturianu y el gallego-asturianu

24/05/2019

La Conseyería d’Educación y Cultura publicó nel Boletín Oficial del Principáu d’Asturies (BOPA) la convocatoria d’una llinia de subvención, dotada con 50.000 euros, pa la normalización social del asturianu y del gallego-asturianu nel 2019. A ella puen acoyese entidaes locales o organismos autónomos locales.

La finalidá de la subvención ye’l desenvolvimientu de proyectos y actividaes empobinaes a la normalización del usu social del asturianu y del gallego-asturianu: campañes de normalización llingüística, rotulación de dependencies, señalización urbana, rotulación toponímica, cursos d’alfabetización tanto pa la ciudadanía como pal personal municipal, adecuación de páxines web o de ferramientes informátiques y imaxe corporativa de la entidá.

Ente estos conceptos nun s’incluyen los gastos de funcionamientu de los Servicios de Normalización Llingüística de les entidaes locales. Cada entidá local va poder solicitar ayudes pa un máximu de 3 proyectos, siendo la subvención máxima por proyectu de 3.000 euros. El plazu pa presentar proyectos acaba’l 12 de xunu del 2019.

 

Información sobre el documento

© Copyright 2006. Gobierno del Principado de Asturias