Gobierno del Principado de Asturias

Asturias, mucho más cerca

Estás en

Aniciu Gobiernu Actualidá El Principáu va entregar parte de la ropa a los trabayadores de ...
 

Actualidá

El Principáu va entregar parte de la ropa a los trabayadores de la estación d’esquí de Valgrande-Payares el 5 de marzu

El conseyeru Genaro Alonso xuntóse güei colos empleados del complexu ivernal

07/02/2019

El conseyeru d'Educación y Cultura, Genaro Alonso, anunció güei que'l Principáu va apurrir a principios del próximu mes a los trabayadores de la estación iverniza y de monte de Valgrande-Payares parte de la ropa de trabayu prevista nel conveniu colectivu.

Alonso, que s'axuntó esta tarde cola plantiya d'emplegaos del complexu, esplicólos qu'el 5 de marzu van recibir un llote compuestu por un pantalón, un forru polar y una chaqueta.

El titular de Cultura tamién aseguró qu'el so departamentu trabaya yá na ellaboración d'un contratu de suministru para dotar a los trabayadores del restu del material lo antes posible y sorrayó qu'esta situación débese a que la contratación na conseyería ye bien variada y l'adaptación a la Llei de Contratos del Sector Públicu, de payares de 2017, ta resultando bien complexa.

Amás, el conseyeru recordó la inversión realizada pol Gobiernu d'Asturies nel complexu ivernizu a lo llargo d'esta llexislatura. En concretu, el Principáu destinó 180.000 euros a la instalación d'una cinta de debutantes de 50 metros na parte baxa de la estación y anguaño presupuestó 150.000 para meyores nel complexu.

 

   Icono gráfico alusivo al tipo de archivo Audiu (Audiu: 2 Mb) (n'español)

Información sobre el documento

© Copyright 2006. Gobierno del Principado de Asturias