Gobierno del Principado de Asturias

Asturias, mucho más cerca

Estás en

Aniciu Temes Emplegu Prevención de riesgos llaborales L’Institutu Asturianu de Prevención de Riesgos Llaborales entama ...
 

Prevención de riesgos llaborales

L’Institutu Asturianu de Prevención de Riesgos Llaborales entama una feria y una carrera solidaria pola seguranza

La programación, que se va desenvolver n’Uviéu los díes 29 y 30, incluye actividaes infantiles, simuladores d’accidentes y charles. La inscripción pa la marcha yá ta abierta y la recaudación va destinase a l’asociación Aspaym

15/06/2019

L’Institutu Asturianu de Prevención de Riesgos Llaborales entama una feria con actividaes infantiles, simuladores d’accidentes y charles como eventu previu a la II Carrera solidaria pola seguranza, que va dir pel centru d’Uviéu coles mires de promover vezos deportivos y saludables y que la so recaudación destínase a l’asociación Aspaym. Los actos van celebrase los díes 29 y 30 de xunu.

Les persones interesaes en participar na macha, acción principal de la campaña Vezos deportivos, vezos preventivos, puen inscribise al traviés de la web www.321GO.es. Hai 800 places disponibles ente toles categoríes y la cuota solidaria ta puesta en 5 euros. El percorríu previstu pal domingu 30 de xunu suma cinco quilómetros con salida y llegada na plaza de la Catedral.

Los dorsales van poder recoyese’l día anterior, el 29, na sede del institutu, allugada na avenida del Cristo, onde se va desenvolver la Feria de la prevención y el corredor. El programa incluye actividaes infantiles como hinchables, tiru con arcu y pruebes de baloncestu, amás d’un circuitu pa concenciar a los pequeños sobre la seguranza vial, una merienda saludable y una actuación musical al cargu de policíes locales.

Amás, los asistentes van poder esperimentar con unes gafes de simulación los efectos del alcohol y la droga na conducción y aprender cómo actuar énte un vuelcu nun accidente de tráficu. Pa fomentar la cultura preventiva ente la mocedá, l’Institutu de Prevención va presentar na feria un adelantu de la so sala d’escape. Charles, concursos y la promoción del Sellu asturianu de movilidá segura de la empresa figuren na programación prevista de 17 a 21 hores.

 

   Icono gráfico alusivo al tipo de archivo Cartel (Imagen: 339 Kb)

Información sobre el documento

© Copyright 2006. Gobierno del Principado de Asturias