Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu El Gobiernu d'Asturies saca a llicitación 33 obres de ...
 

Infraestructures y territoriu

El Gobiernu d'Asturies saca a llicitación 33 obres de caltenimientu en carreteres rurales por valor de casi 1,2 millones

El conseyeru Alejandro Calvo presenta esti paquete de meyores a la Federación de Conceyos

De izquierda a derecha, la directora general de Infraestructuras Viarias y Portuarias, Esther Díaz; el viceconsejero de Infraestructuras, Movilidad y Territorio, Jorge García; el consejero de Medio Rural y Cohesión Territorial, Alejandro Calvo, y la presidenta y el coordinador de Medio Rural de la FACC, Cecilia Pérez y Marcelino Martínez, respectivamente.

16/07/2020

El Gobiernu d'Asturies sacó a llicitación un paquete de 33 obres urxentes en conservación y caltenimientu de carreteres nel mediu rural por valor de 1.189.699 euros. Con estes actuaciones, que se van executar per tol territoriu, el Principáu caltién l'esfuerzu inversor que vien realizando p'ameyorar la seguridá de la rede viaria.

El conseyeru Alejandro Calvo, que presentó güei esta programación a la Federación Asturiana de Conceyos (Facc), destacó qu'estes actuaciones reflexen unu de los oxetivos de la nueva Conseyería de Mediu Rural y Cohesión Territorial, venceyar dos polítiques estrechamente rellacionaes: la meyora de les infraestructures y el desenvolvimientu del mediu rural.

Los trabayos inclúin proyectos, estudios y obres de conservación y caltenimientu, ente ellos, la instalación de murios de sostenimientu y escolleres, l'arreglu de fundimientos y el tremáu de zones deterioraes.

La nueva conseyería prevé, amás, realizar un diagnósticu refechu de les necesidaes de conservación y caltenimientu de la rede autonómica de carreteres, que va sirvir pa planiar les futures actuaciones nesta área.

Per otra parte, el Principáu yá empecipió la campaña de roces de la rede viaria y llicitará llabores complementarios de llimpieza por aciu contratos pluriañales por dos años, prorrogables otros dos, lo que va permitir adelantrar esti tipu de trabayos nos próximos exercicios.

Calvo presentó estes iniciatives a la presidenta de la Facc, Cecilia Pérez, nuna xunta a la que tamién asistieron el viceconseyeru d'Infraestructures, Movilidá y Territoriu, Jorge García; la directora xeneral d'Infraestructures Viarias y Portuaries, Esther Díaz, y los responsables d'árees de la federación.


Icono gráfico alusivo al tipo de archivo Audiu (Audiu: 557 Kb)(n'español)

Información sobre el documento

© Copyright 2006. Gobiernu del Principau d'Asturies