Gobiernu del Principau d'Asturies

Asturies, muncho más cerca

Tas en

Asturias.es El Principáu empecipia'l programa Housing First d'inclusión ...
 

Aniciu

El Principáu empecipia'l programa Housing First d'inclusión social na zona rural cola entrega d'una vivienda n'El Franco

Dos persones ensin casa van compartir el pisu, lo que va dexar que desapareza esti problema nel conceyu. Asturies ye la primer comunidá qu'impulsa'l proyectu directamente dende la Dirección Xeneral de Vivienda y na que los usuarios son inquilinos del parque públicu

El director general de Vivienda, Fermín Bravo, y la alcaldesa del concejo, Cecilia Pérez, durante el acto

16/04/2018

La Conseyería de Servicios y Derechos Sociales entregó güei n'El Franco la primer vivienda qu'avera'l programa Housing First d'inclusión social a la zona rural. Nel pisu van vivir dos homes ensin casa de 52 y 58 años, a que la so complexa situación sociosanitaria va dase respuesta por aciu esti proyectu novedosu.

La iniciativa, que se pon en marcha depués de meses de trabayu coordináu ente la Dirección Xeneral de Vivienda y el Conceyu d'El Franco, va dexar tamién solucionar el problema de les persones ensin techu nel conceyu.

Nel actu d'entrega participaron el director xeneral de Vivienda, Fermín Bravo, y l'alcaldesa del conceyu, Cecilia Pérez, xunto con delles técniques municipales, que van realizar el siguimientu de los beneficiarios del programa, asina como representantes de diverses entidaes sociales.

Bravo esplicó qu'esta actuación ye la primera que se desenvuelve na zona rural y estimó la implicación del Conceyu, qu'actuó como intermediariu p'amoblar la vivienda por aciu donaciones privaes. Tamién reconoció la gran implicación del personal municipal, que ta realizando'l cursu Modelos de intervención con personas en situación de sin hogar: Housing First, impartíu pol Colexu Oficial de Trabayu Social, pa realizar el siguimientu del proyectu.

Asina mesmo, celebró la meyora d'esti proyectu innovador, incluyíu na Estratexa Nacional Integral pa Persones Ensin Casa, y destacó que'l Principáu ye la primer comunidá qu'impulsó directamente'l programa dende l’área autonómica de vivienda y la única na que los inquilinos son usuarios del parque públicu, de cuenta que firmen un contratu d'arriendu, con tolos derechos y obligaciones d'estos casos. Pela so parte, los conceyos amoblen les viviendes y asumen l'acompañamientu social que rique'l programa.

La primer fase de Housing First a nivel rexonal empezó nesta llexislatura con cuatro viviendes nel conceyu d'Avilés y siguió en Xixón y Uviéu, con otres cinco en cada conceyu. Nuna segunda fase, el Principáu prevé poner a disposición de la ciudadanía otros seis pisos pa llegar a la ventena a la fin de la llexislatura.

   Icono gráfico alusivo al tipo de archivo Audiu (Audiu: 594 Kb) (n'español)

Información sobre el documento

© Copyright 2006. Gobiernu del Principau d'Asturies