Gobiernu del Principau d'Asturies

Asturies, muncho más cerca

Tas en

Asturias.es Temes Deportes Asturies entra na directiva del Conseyu Superior de Deportes pa ...
 

Deportes

Asturies entra na directiva del Conseyu Superior de Deportes pa representar a les comunidaes autónomes

La directora xeneral de Deporte, Beatriz Álvarez Mesa, asume la vocalía de los gobiernos rexonales

15/09/2020

La presidenta del Conseyu Superior de Deportes (CSD), Irene Lozano, nomó a la directora xeneral de Deporte del Gobiernu d'Asturies, Beatriz Álvarez Mesa, vocal de la comisión directiva del organismu. Lozano tomó esta decisión a propuesta de los representantes de les comunidaes nel ente autónomu del Ministeriu de Cultura y Deporte.

El nomamientu d'Álvarez produzse tres l'intensu periodu de xuntes y negociaciones pa establecer los protocolos destinaos a rellanzar con seguridá y coles garantíes sanitaries afeches les competiciones deportives en metá de la crisis de la covid-19, nes que'l Gobiernu d'Asturies tuvo una participación activa.

L’organigrama de la comisión directiva del CSD, amás de la presidencia y la vicepresidencia, ta compuestu por 10 vocales: trés pertenecientes a l'Alministración del Estáu, ún en representación de les comunidaes, ún nel de les entidaes locales, dos propuestos poles federaciones deportives y trés persones designaes pola presidencia ente figures de reconocíu prestíu del mundu del deporte.

Beatriz Álvarez ye directora xeneral de Deporte, competencia adscrita a la Conseyería de Cultura, Política Llingüística y Turismu, dende setiembre del pasáu añu. Diplomada n'Educación Física pola Universidá d'Uviéu, ta considerada xuna referencia nel deporte asturiano, tanto pola so carrera como futbolista y preparadora como por crear, impulsar y coordinar la primer escuela de fútbol femenín d'Asturies. Foi xugadora, presidenta y xestora del club Uviéu Modernu CF y formó parte de los órganos más relevantes del fútbol femenino rexonal y nacional.

Información sobre el documento

© Copyright 2006. Gobiernu del Principau d'Asturies