Gobierno del Principado de Asturias

Asturias, mucho más cerca

Estás en

Aniciu Temes Emplegu La industria metalúrxica llidera l'amenorgamientu del paru ...
 

Emplegu

La industria metalúrxica llidera l'amenorgamientu del paru n'Asturies, que remató marzu con 963 paraos menos

L'afiliación a la Seguridá Social aumenta en 1. 767 cotizantes, hasta algamar los 361. 552. El Principáu encadena 66 meses de descensu interañal consecutivos: anguaño hai 75. 124 persones rexistraes nes oficines d'empléu. La directora del Serviciu Públicu d'Empléu, Luisa Pérez, confía en qu'esti enclín se caltenga nos próximu meses

02/04/2019

El paru amenorgó n'Asturies en 963 persones en marzu, un 1,27% menos que al mes anterior, según los datos publicaos güei pol Institutu Nacional d'Estadística (INE). La industria –y, en concreto, les empreses metalúrxiques- lideraron esti amenorgamientu. Con esta nueva cayida'l Principáu encadena yá 66 meses de descensu interañal consecutivu. Anguaño, hai 75.124 persones rexistraes nes oficines d'empléu.

Los númberos de marzu tamién son favorables tocantes a l'afiliación a la Seguridá Social. El Principáu rexistró 1.767 afiliaos más -un aumentu del 0,49%, al respective de febreru-, hasta algamar los 361.552 cotizantes.

Los cálculos interañales constaten unu amenorgamientu sosteníu del desempléu y un aumentu de l'afiliación. En relación a marzu de 2018, el paru amenorgó un 3,61%, porcentaxe que supón 2.814 paraos menos. Tamién en términos interañales, l'afiliación a la Seguridá Social creció en 3.801 persones, un 1,06%.

Na evolución interañal sobresal la cayida del paru na construcción (15,1%) y la industria (8,5%), mesmo que ente les persones de 25 a 45 años.

La directora del Serviciu Públicu d'Empléu, Luisa Pérez, destacó que'l paru amenorgór en marzu en tolos grupos d'edá y sectores d'actividá. Enfatizó na cayida nel metal, que concentra casi un 70% del descensu na industria y un 15% del amenorgamientu total del paru nesi mes. Pérez tamién resaltó l'amenorgamientu nel grupu d'edá d’ente los 25 y 45 años, qu'algamó'l 2,06%.

Pérez recordó qu'en marzu suelen rexistrase descensos del paru y aumentos de l'afiliación, daqué que se caltuvo nesta ocasión magar nun coincida cola Selmana Santa. La directora confía en qu'esta evolución se caltenga nos próximos meses.

En relación a marzu de 2018, destaca'l descensu del paru ente les persones con edaes d'ente 25 y 45 años, mesmo nos sectores de la construcción (15,1%) y la industria (8,5%).

El conxuntu d'España presenta un enclín asemeyáu al d'Asturies, tanto en términos mensuales como interañales. Asina, el desempléu baxó un 1,03% y un 4,89%, respectivamente, ente que l'aumentu de l'afiliación foi del 0,82% y del 2,93%, respectivamente.

.

 

Información sobre el documento

© Copyright 2006. Gobierno del Principado de Asturias