Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales La llei trans qu’impulsa’l Principáu elimina la obligación ...
 

Servicios sociales

La llei trans qu’impulsa’l Principáu elimina la obligación d’especificar el xéneru na documentación alministrativa

La norma va permitir que la referencia al sexu se diga de manera voluntaria, garantiza la llibre espresión de la identidá y favorez la plena inclusión social de les persones transexuales. El proyectu consolida y alza a rangu de llei los servicios que s'ufierten na Unidá de Tratamientu d'Identidá de Xéneru del Hospital San Agustín. Tipifica trés tipos de sanciones: leves, graves y bien graves, con multes que van ente los 200 y los 45. 000 euros

El Consejero de Presidencia, en la Junta General del Principado

04/02/2019

La llei de garantía del derechu a la llibre espresión de la identidá sexual y/o xéneru va favorecer que la referencia al sexu na documentación alministrativa se diga con calter voluntariu y que puedan solicitase acreditaciones acordes cola identidá. Amás, les persones trans nun van ver amenorgaos los sos derechos pa ser beneficiaries del salariu social, cuidao que a aquelles que tengan qu'abandonar temporalmente la comunidá por situaciones de maltratu o tratamientu médicu nun se-yos va computar el plazu de residencia fora d'Asturies.

Estes son dalgunes de les midíes que contempla la nueva normativa, qu'aborda dende una perspectiva integral les necesidaes d'esti colectivu col fin de promover la so plena inclusión social en condiciones d'igualdá y combatir cualquier vulneración de derechos que coarte la so llibertá. El conseyeru de Presidencia y Participación Ciudadana, Guillermo Martínez, presentó güei na Xunta Xeneral les llinies xenerales del testu, que sienta les bases para racionalizar y universalizar l'atención médica y social a les persones trans y plantega l'aplicación de midíes contra la discriminación nos ámbitos educativu, llaboral y cultural, col fin d'asegurar los sos derechos.

Para ellaborar la norma con un ampliu nivel d'alcuerdu, el Principáu impulsó un procesu participativu nel que collaboraron viviegamente'l movimientu asociativu, representáu pola Asociación Asturiana de Llesbianes, Gais, Transexuales y Bisexuales (Xega), y cuatro de los seis grupos parlamentarios.

El proyectu, aprobáu pol Conseyu de Gobiernu'l pasáu 14 de payares, alza a rangu de llei los servicios médicos qu'anguaño s'ufierten na Unidá de Tratamientu d'Identidá de Xéneru del Hospital San Agustín d'Avilés y garantiza acompañamientu y sofitu psicolóxicu a les persones trans y les sos families.

La norma identifica hasta ocho tipos de situaciones de discriminación, ente les que figuren la marxinación directa, l'acosu y la represalia, ya incorpora un réxime de sanciones ya infracciones con multes que vann ente los 200 y los 45.000 euros: leves (de 200 a 3.000 euros), graves (de 3.001 a 20.000) y bien graves (de 20.001 a 45.000).



Midíes tresversales

Ente otres midíes, prevé la puesta en marcha d'un comité consultivu, con participación de distintos departamentos de l'Alministración y representantes d'asociaciones, col fin de pescanciar propuestes que permitan avanzar na igualdá. Esti órganu, participativu y plural, va tener como modelu d'organización el Conseyu Rector de la Mocedá.

Nel ámbitu educativu, promueve la incorporación nos currículos de conteníos sobre orientación sexual, identidá y xéneru, la implantación d'un protocolu d'atención en tolos centros y la prestación de sofitu sicopedagóxicu.

Nel campu llaboral, establez la incorporación de criterios d'igualdá d'oportunidaes nes convocatories de fomentu del empléu y midíes de bonificación fiscal o subvenciones pa la integración llaboral de les persones trans.

Coles mesmes, en cuanto al ámbitu social, apueste pol diseñu d'un programa d'actuación pal insertamientu de persones en grave riesgu d'esclusión, con especial atención a los menores espulsaos de los sos llares. Amás, garantiza la non discriminación en procesos d'adopción y acoyimientu.

A lo último, plantega la ellaboración d'un protocolu d'atención policial pa casos en que les persones transexuales sían víctimes d'agresiones, acosu o coacciones, de la que recueye que les polítiques de cooperación al desenvolvimientu tendrán d'impulsar proyectos que promuevan la non discriminación por espresión de xéneru en países en qu'estos derechos nun son respetaos.

 

Información sobre el documento

© Copyright 2006. Gobiernu del Principau d'Asturies