Gobiernu del Principau d'Asturies

Asturies, muncho más cerca

Tas en

Asturias.es El Gobiernu del Principáu desactiva’l protocolu de contaminación ...
 

Aniciu

El Gobiernu del Principáu desactiva’l protocolu de contaminación na zona central al ameyorar la calidá del aire

Les concentraciones de partícules menguaron nes cuatro estaciones d’Uviéu y les cuenques que presentaben valores más altos de lo avezao

10/01/2019

El Gobiernu d’Asturies desactivó güei’l protocolu d’actuación n’episodios de contaminación del aire nes zones d’Uviéu y les cuenques, que permanecía activu nel so nivel 0 o preventivu dende’l llunes, dada la evolución de los datos nes últimes hores y la predicción meteorolóxica qu’apunta a que la ventilación atmosférica va siguir siendo favorable.

Nes cuatro estaciones que veníen presentando valores más altos de lo avezao, les partícules de tamañu inferior a diez micres (PM10) tuvieron per debaxo del nivel preventivu del protocolu, establecíu en 45 microgramos por metru cúbicu d’aire. En PM2,5 les baxaes foron más moderaes por causa del efectu que los valores matutinos d’ayeri, inda altos, tuvieron na media diaria.

Hai que recordar que’l protocolu autonómicu aplícase a trés contaminantes: les partícules en suspensión PM10 (de diámetru inferior a 10 micres), PM2,5 (diámetru inferior a 2,5 micres) y dióxidu de nitróxenu, y estrema trés niveles: 0 (preventivu), 1 (avisu) y 2 (alerta). Los topes d’activación del protocolu pa les PM2,5 y PM10 son estos:

Nivel PM10 PM2,5 Activación
Nivel 1 (preventivo) > 45 µg/m3 > 25 µg/m3 1 estación de la misma zona 3 días consecutivos
Nivel 2 (aviso) > 50 µg/m3 < 35 µg/m3 1 estación de la misma zona 3 días consecutivos
Nivel 3 (alerta) > 75 µg/m3 > 50 µg/m3 1 estación de la misma zona 3 días durante un período de 5 días consecutivos

 

Tien que se dar la circunstancia de que concurran estos niveles de partícules cola previsión de fenómenos meteorolóxicos qu’estorben la difusión de contaminantes na atmósfera (inversión térmica persistente en capes baxes y ausencia d’agua y vientos).

 

Información sobre el documento

© Copyright 2006. Gobiernu del Principau d'Asturies