Gobiernu del Principau d'Asturies

Asturies, muncho más cerca

Tas en

Asturias.es Temes Deportes Actividaes deportives Asturies va ser otra vegada decisiva en La Vuelta coles etapes ...
 

Actividaes deportives

Asturies va ser otra vegada decisiva en La Vuelta coles etapes Villaviciosa-La Farrapona y La Pola Llaviana-L’Angliru

La conseyera Berta Piñán y la viceconseyera Graciela Blanco representen al Principáu na gala de presentación de la prueba ciclista

De izqda a dcha.: el alcalde de Somiedo, Belarmino Fernández; el alcalde de Laviana, Julián García; la viceconsejera de Turismo, Graciela Blanco; la consejera de Cultura, Berta Piñán; la alcaldesa de Riosa, Ana Isabel Díaz, y el alcalde de Villaviciosa, Alejandro Vega

17/12/2019

Les etapes asturianes de La Vuelta 2020 van ser otra vegada decisives nel resultáu de la prueba pola so durez y poles feches en que fueron programaes. Los organizadores de la ronda ciclista presentaron güei l'itinerariu de la edición próxima, qu'incluye les etapes Villaviciosa-Altu de La Farrapona y La Pola Llaviana-Alto de L’Angliru.

La conseyera de Cultura, Política Llingüística y Turismu, Berta Piñán, y la viceconseyera de Turismu, Graciela Blanco, asistieron al actu en representación del Gobiernu del Principáu, que collabora cola organización de La Vuelta al so pasu per Asturies. Na gala tamién tuvieron presentes alcaldes y representantes de los conceyos asturianos que van tar presentes nel itinerariu d'esta edición.

Berta Piñán amosó'l so contentu pol diseñu de los percorríos de les etapes, que calificó de “espectaculares”, y pol fechu de que “el Principáu vuelve tar nos momentos decisivos de la prueba”. La conseyera manifestó que “la nuestra collaboración con La Vuelta ye garantía d'éxitu na promoción d'Asturies al traviés d'un acontecimientu que llega a millones de persones d'una manera bien positiva, tanto dende l'aspectu deportivu como dende'l de la promoción turística y cultural de la nuestra tierra”.

Villaviciosa y La Pola Llaviana van ser salida d'etapa de la prueba pela primer primer vez, mentes que l'Altu de La Farrapona yá foi meta en dos ocasiones anteriores, y l'Altu de L’Angliru, en siete.

La etapa decimocuarta va salir de Villaviciosa'l sábadu 29 d'agostu, y va llegar a La Farrapona en pasando pol Altu de la Campa, Nava, San Pedru de Villoria, l'Altu de la Colladona, Bustiello, l'Altu de la Cobertoria, Bárzana, Samartín de Teberga, el Puertu de San Llorienzo, La Riera y Saliencia.

A otru día, los ciclistes van salir de La Pola Llaviana y, primero de llegar a la meta de L’Angliru, van pasar per Samartín del Rei Aurelio, Llangréu, Olloniego, l'Altu del Padrún, Mieres, l'Altu de Santu Emiliano, l'Altu de la Mozqueta, Figareo, Muñón Cimiru, l'Altu del Cordal y La Vega-Riosa.

Información sobre el documento

© Copyright 2006. Gobiernu del Principau d'Asturies