Gobierno del Principado de Asturias

Asturias, mucho más cerca

Estás en

Aniciu Gobiernu Actualidá Desenvolvimientu Rural invierte 557.722 euros en delles ...
 

Actualidá

Desenvolvimientu Rural invierte 557.722 euros en delles infraestructures ganaderes nel conceyu de Cabrales

La conseyería destina 211. 000 euros a la reparación del accesu a la cueva d’El Pinche, que va dexar usala pa ellaborar quesu. Va construyir 6,3 quilómetros de caminos na concentración parcelaria de Puertas-Pandiellu, con un costu de 243. 000 euros

d'esquierda a derecha, José Sánchez, portavoz del PSOE en Cabrales; la conseyera de Desenvolvimientu Rural y Recursos Naturales, María Jesús Álvarez; l'alcalde de Cabrales, Francisco González, y el director xeneral de Montes y Infraestructures Agraries, José Antonio Ferrera

02/03/2019

La Conseyería de Desenvolvimientu Rural y Recursos Naturales va invertir anguaño 557.722 euros en delles obres d’infraestructures ganaderes nel conceyu de Cabrales, de los que 211.129 euros correspuenden a la meyora del camín d’accesu a la cueva d’El Pinche y otros 243.322, a la execución de la rede de caminos de la concentración parcelaria de la zona Puertas-Pandiellu. Lo demás va destinase a la construcción de balses y bebederos y a faxes auxiliares.

Ta previsto que dambos proyectos, dependientes de la Dirección Xeneral de Montes y Infraestructures Agraries, empiecen esti mes, según afirmó la conseyera María Jesús Álvarez na visita que güei realizó al conceyu cabraliegu.

Nel vial a la cueva d’El Pinche van reparase cuasi cuatro quilómetros, dende’l nucleu rural d’Inguanzo escontra la xerra de Dobros pa rematar na redolada de la cueva. Esta actuación va facilitar el so usu pa la producción de quesu Cabrales, al empar que va dexar acceder a les praderes asitiaes al sureste de la localidá y a un plantíu d’arándanos. El camín nuevu, de trés metros d’anchor, va tener un pavimentu de formigón.

Otra manera, la conseyería va construyir 6,3 quilómetros de caminos na concentración parcelaria de la zona Puertas-Pandiellu, que dispón d’una superficie total de 160 hectárees, con 644 parceles que van ser reemplazaes por 198 finques pertenecientes a 106 propietarios. Ta previsto que la entrega de les finques nueves a los sos titulares se faiga na primavera de 2020.

Los viales van tener una media d’anchu de rodadura de 3 a 3,5 metros, pavimentaos con formigón, pa facilitar el pasu de vehículos agrícoles.

Les concentraciones parcelarias favorecen una xestión de les esplotaciones más competitiva y cómoda, porque incluyen la meyora de los accesos rodaos a los terrenos y núcleos rurales afectaos. “Amás, dan seguranza xurídica a los amos de les finques”, sorrayó la conseyera.

Álvarez anunció que la conseyería tamién va construyir anguaño les balses y bebederos en Vallisondi, obres que tuvieron que se suspender nel 2018 pol temporal d’iviernu. Amás, Desenvolvimientu Rural va realizar roces en 36 quilómetros de faxes auxiliares pa prevenir quemes, que se sumen a los 47,4 quilómetros executaos ente’l 2016 y el 2018. Tamién se realizaron esta llexislatura quemes controlaes en 10 hectárees.

La conseyera refirióse a otres infraestructures llevaes a cabu a lo llargo de la llexislatura, ente les que destacó una balsa en La Nava, con una inversión de 73.796 euros; un bebederu en La H.abariega, con un costu de 18.000 euros; una barrera canadiense en Tierrash.ondas, con una partida de 7.260 euros, y la construcción de la escollera n’El Texu Sotres, financiada con 17.000 euros.

 

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobierno del Principado de Asturias