Gobierno del Principado de Asturias

Asturias, mucho más cerca

Estás en

Aniciu Dos entidades de Cataluña y Galicia súmense a la rede ...
 

Aniciu

Dos entidades de Cataluña y Galicia súmense a la rede esperimental de pequeños pueblos con modelos económicos nuevos promovida por Asturies y Euskadi

El Conseyu Xeneral del Valle d’Arán y la Fundación Juana de Vega suscriben el documentu a favor de les economíes agroecolóxiques s que busca soluciones al despoblamientu rural

03/08/2020

Dos entidaes de Galicia y Cataluña sumáronse a la rede esperimental de pueblos pequeños que promueven modelos económicos nuevos impulsada por Asturies y Euskadi.

El Gobiernu del Principáu, al traviés del comisionáu pal Retu Demográficu, empecipió un procesu de collaboración cola Sociedá d'Estudios Vascos Eusko Ikaskuntza pa crear la rede en distintes zones del país. Dambes instituciones roblaron un documentu que sienta les bases pa l'aplicación práctica d'acciones que sofiten economíes locales agroecolóxiques y diversificaes nestos territorios, suscritu darréu pola Rede Asturiana de Desenvolvimientu Rural (Reader) y, más apocayá, pol Conseyu Xeneral del Valle d’Arán (Cataluña) y la Fundación Juana de Vega (Galicia).

L'oxetivu principal qu'anima l'adhesión a esti documentu ye l'establecimientu de les bases que permiten l'entamu d'un procesu de reactivación económica pa pueblos pequeños y aldegues que promuevan la xestión comunitaria de los bienes y recursos locales y la so diversificación, col fin de sofitar una nueva economía de bienestar basada na sostenibilidá ecolóxica, económica y social del territoriu.

El Conseyu Xeneral del Valle de Arán ye una entidá local con personalidá xurídica propia y plena autonomía. El Gobiernu de Cataluña ha dexar a esti organismu les competencies d'agricultura, ganadería, pesca, caza, aprovechamientu de los recursos forestales, protección y caltenimientu de la naturaleza, monte y víes forestales, ordenación del territoriu y estinción de quemes, ente otres.

Pela so parte, la Fundación Juana de Vega tien como principales fines la promoción del conocimientu, caltenimientu y desenvolvimientu del mediu rural gallegu, con especial dedicación a la formación de la so población activa, a la preservación de la so redolada natural y humana y a la meyora de la so base económica. Collabora coles Universidaes de Santiago de Compostela, A Coruña y Vigo, mesmo que con entidaes científiques venceyaes coles ciencies agroalimentaries, hortícoles y d'esperimentación agroforestal.

Les localidaes asturianes de Mual (Cangas del Narcea) y Pion (Villaviciosa), al traviés del movimientu vecinal nel primer casu, y a propuesta del Centru Tecnolóxicu de la Información y les Comunicaciones (CTIC) nel segundu, tán empezando a avanzar na aplicación d'estos modelos.

Información sobre el documento

© Copyright 2006. Gobierno del Principado de Asturias