Gobiernu del Principau d'Asturies

Asturies, muncho más cerca

Tas en

Asturias.es Temes Tresportes y Movilidá El númberu de persones qu’usen el tresporte públicu interurbanu ...
 

Tresportes y Movilidá

El númberu de persones qu’usen el tresporte públicu interurbanu baxa un 95 % de magar se declaró l’estáu d’alarma

03/04/2020

El númberu de persones qu’usen el tresporte interurbanu d’autobuses baxó nel Principáu un 95 % al respective de los díes llaborales dende la entrada en vigor del estáu d’alarma pol COVID-19, el 14 de marzu pasáu, polo que namás se ta moviendo’l 5 % de los usuarios habituales.

La evolución de viaxeros de los servicios regulares concesionales, dependientes del Consorciu de Tresportes d’Asturies (CTA), amuesa esta selmana una mengua del 38 % al respective de la pasada. Asina, la media d’usuarios del tresporte públicu la selmana pasada foi de 3.800, frente a los 2.375 d’esta. Primero del confinamientu, 48.000 persones usaben los autobuses los díes llaborales.

El Gobiernu d’Asturies vieno aplicando una partida de midíes imprescindibles de llimitación d’horarios y frecuencies pa facer frente de manera proporcional a la escepcionalidá de la crisis sanitaria, que supón la restricción de movimientos de persones y, polo tanto, la llimitación de movilidá. Amás, namás se dexa’l pagu coles modalidaes qu’hai de tarxeta del billete únicu.

Sicasí, el Principáu garantiza’l tresporte a los trabayadores de servicios esenciales, como los centros sanitarios.

Na páxina web www.consorcioasturias.com puen consultase toles frecuencies.

Información sobre el documento

© Copyright 2006. Gobiernu del Principau d'Asturies