Gobiernu del Principau d'Asturies

Asturies, muncho más cerca

Tas en

Asturias.es Temes Ganadería Desenvolvimientu Rural entama una xornada pa informar de los ...
 

Ganadería

Desenvolvimientu Rural entama una xornada pa informar de los protocolos de prevención frente a la peste porcina africana

L’actividá va cuntar cola participación de Christian Gortázar, ún de los mayores espertos a nivel mundial

23/11/2019

La Conseyería de Desenvolvimientu Rural, Agroganadería y Pesca entamó una xornada pa informar de los protocolos de prevención frente a la peste porcina africana. L’actividá ta dirixida a profesionales y públicu en xeneral interesao na xestión del xabalín y la epidemioloxía y vixilancia sanitaria.

La xornada va facese’l martes 26 de payares nel salón d’actos del edificiu alministrativu de la cai Hermanos Pidal. L’actu va cuntar con Christian Gortázar, ún de los mayores espertos a nivel mundial nesta enfermedá, que va ser l’encargáu d’ufiertar la primera de les sesiones empobinada a veterinarios, axentes de mediu ambiente y personal de l’Alministración del Principáu. Va empezar a les 11:00 hores y nella va analizar la situación actual amás de les midíes pa una detección temprana y actuaciones a siguir nel casu de l’apaición d’un posible focu na fauna montés.

La segunda mesa redonda, Xabalinos, caza y sanidá, va desenvolvese pela tarde, a partir de les 16:30 hores, y va tar dirixida a cazadores, conservacionistes y públicu en xeneral. Ente los ponentes, van tar espertos del ámbitu universitariu y de federaciones de cazadores.

Información sobre el documento

© Copyright 2006. Gobiernu del Principau d'Asturies