Gobiernu del Principau d'Asturies

Asturies, muncho más cerca

Tas en

Asturias.es Temes Artesanía y comerciu Artesanía El Gobiernu d'Asturies promociona l'artesanía rexonal con un ...
 

Artesanía

El Gobiernu d'Asturies promociona l'artesanía rexonal con un documental nel que 17 profesionales rellaten les sos esperiencies

El director xeneral de Comerciu y Turismu, Julio González Zapico, presentó güei’l videu, d'una hora de duración, qu'amuesa los productos artísticos más representativos de la comunidá

El director xeneral de Comerciu y Turismu, Julio González Zapico; l'alcalde de Llanera, Gerardo Sanz; y , el xefe de serviciu de Comerciu de la Consejeria de Em,pleo, Industria y Turismu, José Luis Carús, coles artesanes y artesanos

01/04/2016

El director xeneral de Comerciu y Turismu, Julio González Zapico, presentó güei’l documental Artesanía asturiana: onde les manos faen arte, una de les iniciatives impulsaes pol Gobiernu d'Asturies pa fomentar l'artesanía rexonal por aciu la divulgación de la imaxe de los profesionales del sector y la calidá de los sos productos.

El videu promocional va proyectase n'oficines y feries de comerciu y turismu, mesmo que nos alcuentros que se celebren en redol a l'artesanía.

“El calter interactivu y dinámicu del conteníu del documental, nel que 17 artesanos rellaten les sos esperiencies y moliciones, va favorecer l'acercamientu del gran públicu al artista”, valoró Zapico. Al so paecer, “artesanía, comerciu y turismu tienen de dir de la mano p'aprovechar toles sinerxess qu'estos sectores presenten”.

El documental reflexa l'artesanía más representativa d'Asturies dende la perspectiva de los mesmos creadores. Asina, muestra un diálogu abiertu ente 17 artesanos que se dediquen, ente otres actividaes, a la xoyería tradicional y contemporánea, el trabayu con piel, la cerámica, la fabricación de gaites, la madera, les navayes orixinales de Taramundi, l'universu del acebache y la marroquinería de diseñu. Tamién incorpora la hestoria de l'artesana del telar más antigua y premiada d'Asturies.

La Conseyería d'Empléu, Industria y Turismu presentó'l videu coincidiendo colos Díes Europeos de l'Artesanía 2016, que se celebren dende güei y hasta el domingu próximu.

 

(audio n'español)

    Audiu 1 (mp3: 242 Kb)

Información sobre el documento

© Copyright 2006. Gobiernu del Principau d'Asturies