Gobiernu del Principau d'Asturies

Asturies, muncho más cerca

Tas en

Asturias.es Persones entamadores Asturies empecipia'l reciclax de más de mediu millón de mázcares ...
 

Persones entamadores

Asturies empecipia'l reciclax de más de mediu millón de mázcares al día pa personal sanitariu de centros de toa España

Las fábriques de Therman y Olmar, en Xixón, producen dende güei esti material, fundamental na protección contra’l COVID-19. El proyectu Spain, llideráu por Bioquochem col sofitu de la Conseyería de Ciencia, aspira a surtir a otres comunidaes. Los promotores piden collaboración para la recoyida segregada de dispositivos usaos y voluntarios pa empaquetáu y distribución

De izquierda a derecha, David Hevia, de Bioquochem; Carmen Espinosa, de I+D+i de Therman; Noel Gutiérrez, del equipo promotor del proyecto; y Borja Sánchez, consejero de Ciencia, Innovación y Universidad

03/04/2020

Asturies empecipia güei la producción masiva de mázcares reciclaes pa usu sanitariu. Más d'una docena d'empreses, lideraes por Bioquochem, Therman y Olmar, dexaron superar les mires iniciales y fabricar más de mediu millón d'unidaes al día. Col sofitu de la Conseyería de Ciencia, Innovación y Universidá, l'alianza empresarial pretende distribuyir de forma gratuita esti material, fundamental pa la protección contra'l COVID-19, a centros de toa España, siguiendo les indicaciones de les autoridaes sanitaries.

El proyectu Spain (Sistema Presurizáu Antiséptico Industrial y Neutru), como lu bautizaron los sos promotores, tien el so orixe na firma Bioquochem, encargada de diseñar primeramente'l procesu de hixenización y esterilización. A esta iniciativa, sofitada dende'l Gobiernu d'Asturies, sumáronse de forma altruista dos compañíes de Xixón: Therman, que punxo a disposición los sos conocimientos, la so fábrica y el so personal pa la esterilización de los mázcares y empaquetáu, y Olmar, que realiza la fase final d'esterilización.

Nun primer momentu, la producción supera'l mediu millón diariu de mázcares, pero podría aumentar hasta'l millón d'unidaes al día. Anguaño, cunta coles mázcares recoyíes pol Serviciu de Salú del Principáu ( Sespa) pal so reciclax, pero los promotores animen a tolos hospitales y personal sanitariu a qu'empiecen cola segregación afayadiza de les mázcares quirúrxiques usaes, en bolses y contenedores separaos del restu de residuos hospitalarios. Amás, soliciten la collaboración de los usuarios, yá que ye bien importante que les mázcares nun se ruempan al retirales de la cara. Tamién contactaron con otres comunidaes pa que puedan unviar estos dispositivos usaos y dar en el so reciclax.

L'oxetivu ye dotar de mázcares a los centros que lo precisen en toa España, pa lo que se va pidir la collaboración d'empreses de fuera de la comunidá y va cuntase coles instalaciones que Therman tien n'Huelva, Montilla, Sant Andreu de la Barca, Puertollano y Fátima, en Portugal, y la cesión d'espacios pa esti proyectu per parte de la empresa Macoga n'Ordes (A Coruña) y MDA (Mecánica del Aire, S.L.) en Valencia.

La iniciativa precisa, amás, de personal voluntariu pa poder proceder al empaquetáu y distribución. Por ello, va habilitase la páxina web www.proyectospain.com , onde van poder inscribise les persones que deseyen collaborar pa formar grupos de trabayu, yá que s'envalora que les necesidaes superen el centenar de voluntarios, amás del personal de les citaes empreses.

El proyectu cunta cola collaboración de manera altruista de firmes como Normagrup, Inoxnalón, Tecnoenvases Álvarez, Asturiquimia, Proquiman, Inmicrosa, Ibersa, Grupu Ulma Packaging y Bartusol. Amás, contribúin l'Asociación d'Investigación d'Industries Cárnicas del Principáu ( Asincar) y Idonial y l'Universidá d'Uviéu, según la Delegación del Gobiernu n'Asturies, l'Exércitu y la Guardia Civil.


Icono gráfico alusivo al tipo de archivo Audiu (Audiu: 883 Kb) (n'español)

Información sobre el documento

© Copyright 2006. Gobiernu del Principau d'Asturies