Gobiernu del Principau d'Asturies

Asturies, muncho más cerca

Tas en

Asturias.es Temes Turismu El Gobiernu d'Asturies constituye un grupu de trabayu pa ...
 

Turismu

El Gobiernu d'Asturies constituye un grupu de trabayu pa preparar la reactivación del sector turísticu

L'organismu, integráu por representantes del Principáu, los conceyos y organizaciones empresariales, va encarar el siguimientu de la crisis cola mira minimizar los sos efectos

La viceconsejera de Turismo, Graciela Blanco

03/04/2020

La Conseyería de Cultura, Política Llingüística y Turismu, al traviés de la Viceconseyería de Turismu, constituyó un grupu de trabayu pa realizar un siguimientu del impactu provocáu pol COVID-19 nel sector turísticu y preparar la so reactivación, desque se supere la emerxencia sanitaria.

El grupu de trabayu, que güei caltuvo la so primer xunta, tien trés representantes de l'Alministración autonómica, dos de la Mesa de Turismu de la Federación Asturiana d'Empresarios (Fade), dos conxuntos d’Otea, cámpings y Arca; unu de Otava y otru de la Federación Asturiana de Conceyos (FACC).

La viceconseyera de Turismu, Graciela Blanco, esplicó que les sesiones del grupu van tener calter selmanal y valoró la respuesta unitaria del sector. “Esti órganu naz para preparar y antemanar la reactivación necesaria del sector turísticu, que tien gran relevancia tanto pal empléu como pal Productu Interior Brutu d'Asturies”, destacó.

Na xunta celebrada esta mañana valoráronse delles víes d'actuación y alcordóse centrar esfuercios en trés llinies: l'análisis y puesta en marcha d'estratexes conxuntes de promoción, el sofitu a la creación de productu turísticu pa impulsar la comercialización d'Asturies como destín, y les ayudes directes al sector empresarial.

La estratexa de mercaos va centrase la sesión de la semana próxima, na que va encarase con atención especial la posible reorientación de la campaña internacional prevista.

Información sobre el documento

© Copyright 2006. Gobiernu del Principau d'Asturies