Gobiernu del Principau d'Asturies

Asturies, muncho más cerca

Tas en

Asturias.es Temes Deportes Entidaes ya instalaciones Decretu Rexistru d'Entidaes Deportives
 

Entidaes ya instalaciones

Decretu Rexistru d'Entidaes Deportives

Estractu del Decretu 24/98, de 11 de xunu (BOPA nº 145, de 24 de xunu de 1998), pol que s’ha regular el funcionamientu de los Clubes Deportivos y Agrupaciones de Clubes d'ámbitu autonómicu del Principáu d'Asturies.

 

DEFINICIÓN:

L'artículu 10.1.17 del Estatutu d'Autonomía pa Asturies atribúi al Principáu d'Asturies competencies esclusives en materia de promoción del deporte y de l'adecuáu usu acondáu del ociu.

La Llei del Deporte del Principáu d’Asturies (Llei 2/1994, de 29 d'avientu) configura a las entidaes deportives como asociaciones de calter priváu que tienen por oxetu esclusivu o principal el fomentu, el desendolque y la práctica pela parte de los so asociaos d'una o delles modalidaes deportives, ye preciso proceder a la regulación del funcionamientu de los Clubes Deportivos o Agrupaciones de Clubes d'ámbitu autonómicu.

DEFINICIÓN:

Los Clubes Deportivos asturianos son asociaciones privaes, integraes por persones físiques o xurídiques que tienen por oxetu esclusivu o principal la promoción o la práctica d'una o delles modalidaes deportives polos sos asociaos, asina como la participación n’actividaes o competiciones deportives de calter oficial, profesional o aficionáu.

 

RÉXIME XURÍDICU:

Los Clubes Deportivos han rixise en cuantes a la so constitución, organización y funcionamiento pola Llei 2/94, de 29 d'avientu, del Deporte del Principáu d'Asturies, pol presente Decretu, polos sos propios Estatutos y Reglamentos y polos estatutos de les Federaciones Deportives nes que s'inscriban.

 

                      

Clubes deportivos elementales

Son asociaciones integraes por persones físiques, sin ánimu de llucru, constituyíes específicamente pa la directa participación de los sos miembros en dalguna actividá, competición o manifestación de calter deportivu. Un Club Deportivu Elemental pue acordar la so tresformación en Club Deportivu Básicu.

Clubes deportivos básicos

Son asociaciones deportives, sin ánimu de llucru, con personalidá xurídica, capacidá d'obrar y patrimoniu, organización y alministración propios que se constitúin pa la promoción, práctica y participación de los sos asociaos n’actividaes deportives y competiciones deportives. Na so constitución y normes básiques de funcionamientu estaráse a lo dispuesto pola Llei 2/1994, de 29 d'avientu, del Deporte del Principáu d'Asturies.

Clubes d'entidaes non deportives

Les persones xurídiques, públiques o privaes, o los grupos o secciones esistentes dientro de les mesmes, y que'l so oxetu social o finalidá principal seya substancialmente distintu del deportivu, pero desendolquen actividaes deportives con calter accesoriu, puen acceder al Rexistru d'Entidaes Deportives del Principáu d'Asturies y ser consideraos como Clubes Deportivos, a los efectos de lo previsto nel presente Decretu, nel casu de querer participar nes actividaes o competiciones de calter deportivu.

Agrupaciones de clubes d'ámbitu autonómicu

L'Alministración Deportiva pue reconocer Agrupaciones de Clubes Deportivos d’ámbitu autonómicu. Tales agrupaciones, sin ánimu de llucru, tienen como oxetu esclusivu desendolcar actividaes deportives naquelles modalidaes que nun tán al abellu de dalguna de les Federaciones Deportives asturianes.

Disposición transitoria

Les agrupaciones Deportives y Clubes Deportivos del Principáu d'Asturies esistentes a la entrada en vigor del presente Decretu, han adaptar les sos normes estatutaries a les prescripciones del mesmu nel plazu d'UN AÑU calteniéndo’l  so númberu de Rexistru actual y la fecha d'otorgamientu del acta fundacional. Trescurríu esti plazu ha procedese a la cancelación, d'oficiu, de la so inscripción nel Rexistru".

 

NOTA: En tolo concerniente al procedimientu alministrativu d'Inscripción nel rexistru d'Entidades Deportives ha facese constar que'l plazu másimu de tramitación alministrativa ye de TRÉS MESES y que'l silenciu alministrativu se considera positivu, como ta establecío nel artículu 5º del Decretu 22/96, de 13 de xunu, de Rexistru d’Entidades Deportives.