Gobierno del Principado de Asturias

Asturias, mucho más cerca

Estás en

Aniciu Temes Infraestructures y territoriu Rexistru de planiamientu y xestión urbanística Rexistru de Planiamientu y Xestión Urbanística
 

Rexistru de planiamientu y xestión urbanística

Rexistru de Planiamientu y Xestión Urbanística

Xestor Documental

ACCESU AL REXISTRU

 

 

El Rexistru de Planiamientu y Xestión Urbanística creólu la Llei 3/2002, de Suelu del Principáu d'Asturies, cola mira de recoyer "un exemplar completu y actualizáu de los instrumentos d'ordenación del territoriu, planes y otros instrumentos d'ordenación y xestión urbanísticos". La so regulación establezse nos artículos 41 a 56 del Reglamentu d'Ordenación del Territoriu y Urbanismu (ROTU).

La finalidá del so Xestor Documental ye la de facilitar l'exerciciu pola ciudadanía del so derechu a la información pública en materia d'urbanismu, fomentar la so participación y incrementar la tresparencia nos procesos de toma de decisiones por aciu l'empléu de les tecnoloxíes nueves de la información. Esta ferramienta ta destinada a usuarios y provisores de tolos niveles de l'alministración, sector comercial, organizaciones ensin ánimu d'arriquecimientu, sector académicu y ciudadanía en xeneral.

Al traviés de la Consulta del Rexistru de Planiamientu y Xestión Urbanística s’accede a los datos de los instrumentos urbanísticos. Anguaño puede llograse la documentación del planiamientu xeneral vixente y parte de la del planiamientu de desenvolvimientu.

Nel añu viniente pretende construyise un Visor urbanísticu rexonal —Mapa Urbanísticu d'Asturies— que va dibuxar l'ámbitu de los instrumentos d'ordenación del territoriu y planiamientu, amosando les entidaes urbanístiques básiques de tol planiamientu xeneral vixente y dexando l'accesu tanto a la clasificación como a la calificación del suelu. Y viceversa; dende esi Visor va accedese a los datos y documentos de los instrumentos urbanísticos anotaos nel Rexistru Urbanísticu.  

Mentanto, y teniendo en cuenta que güei día namás ye accesible’l mapa urbanísticu del planiamientu xeneral de 20 Conceyos, por aciu Google Earth visualícense los suelos urbanos, los suelos urbanizables, los núcleos rurales y la zonificación del suelu non urbanizable de 77 Conceyos asturianos, acompañada de la so información urbanística asociada.