Gobiernu del Principau d'Asturies

Asturies, muncho más cerca

Tas en

Asturias.es Temes Emplegu Prevención de riesgos llaborales Institutu Asturianu de Prevención de Riesgos Llaborales
 

Prevención de riesgos llaborales

Institutu Asturianu de Prevención de Riesgos Llaborales

Conoz la función y oxetivos d'esta institución.

¿Quién somos?

L'Institutu Asturianu de Prevención de Riesgos Llaborales naz cola aprobación del Decretu 32/2000 de 13 d'abril y ye consecuencia del compromisu a l'asunción de les competencies nesta materia nel añu 2000. Esta erbía alministrativa y téunica foi creada pol Pautu Institucional pol Emplegu ente los axentes sociales (FADE, UXT y CC.OO. y el Gobiernu del Principáu d'Asturies).

N’avientu del añu 2003, el Gobiernu del Principáu d'Asturies y los Axentes Sociales firmaron el Pautu pal Desarrollu Económicu, la Competitividá y l'Emplegu (2004 - 2007). Dientro d'esti marcu fixaron como ún de los sos oxetivos la constitución del Institutu Asturianu de Prevención de Riesgos Llaborales como muérganu tripartitu y paritariu nos sos muérganos de direición, presentando la Llei que lo desendolca pel añu 2004 na Xunta Xeneral del Principáu.
Nella esplicítense les funciones, los fines y l'ámbitu d'actuación del mesmu.

La so actuación ta orientada ya inspirada por tres grandes oxetivos:

  • Fomentar una nueva cultura de la prevención de riesgos llaborales nel mundu del trabayu impulsándola ya iniciándola, incluso, dende la edá escolar.
  • Potenciar la investigación científica y téunica nel campu de la prevención cola fin de la execución de midíes que fagan baxar los índices d'accidentes de trabayu y d'enfermedaes profesionales.
  • Asesorar y controlar toles aiciones téunico-preventives dirixíes a ameyorar les condiciones de trabayu y con ello la seguridá y la salú de los trabayadores.

P'alcanzar los fines que persigue l'Institutu, ta dotaú d'una organización y estructura qu'asume, con filosofía integradora y multicompetencia, les cuatro modernes disciplines téuniques nos sos cuatro correspondientes Árees Departamentales.

 

¿Qué facemos?

L’Institutu Asturianu de Prevención de Riesgos Llaborales tien al so envís xestionar les polítiques en materia de seguridá, hixene, mediambiente y salú llaboral del Principáu d’Asturies, tendentes a la eliminación o reducción nel so orixe de les causes de los riesgos inherentes a les condiciones de trabayu, promocionando toes aquelles ameyores de les mesmes orientaes a alzar el nivel de seguridá y salú de los trabayadores, y a establecer una rellación saludable ente éstos y el so mediu ambiente llaboral, too ello ensin perxuiciu de lo dispuesto na llexislación sanitaria d’aplicación.
Pa mayor detalle no que se refier a les funciones y qué facemos pue consultase’l BOPA 287 de fecha 13-XII-2004 qu’espubliza la Llei del Principáu d’Asturies 4/2004, de 30 de payares, del Institutu Asturianu de Prevención de Riesgos Llaborales.

 

¿Ónde tamos?

Avenida d'El Cristo, 107
3006 Uviéu
Principáu d’Asturies
Tfnu: 985 10 82 75 

Pa más información, páxina del Institutu Asturianu de Prevención de Riesgos Llaborales