Gobierno del Principado de Asturias

Asturias, mucho más cerca

Estás en

Aniciu Situaciones na vida Visitar Asturies Historia y datos Xeografía y población
 

Historia y datos

Xeografía y población

El Principáu d'Asturies ye una Comunidá Autónoma uniprovincial qu'accedió a l'autonomía pela vía del Art. 143 de la Constitución...

Cimavilla en Xixón

Datos Xeográficos

Asturies con una superficie de 10.603,57 km2. tien la so llende pel norte cola Mar Cantábrica, pel oeste cola comunidá Autónoma de Galicia, pel este cola Comunidá Autonóma de Cantabria y pel sur cola comunidá Autónoma de Castiella-Lleón.

Población

La so capital ye la ciudá d'Uviéu. Les principales poblaciones asturianes concéntrense na zona central del Principáu, dende la costa al interior, siguiendo los valles mineros. La ciudá más poblada ye Xixón, con 273.931 habitantes, siguida de la capital autonómica, Uviéu, con 212.174 habitantes y d'Avilés, que tien 84.171 habitantes. Esta última ciudá tien un área metropolitana de 130.000 habitantes, y ye cabeza de comarca d'un área con cerca de 200.000 habitantes. Los municipios o conceyos nos que la so población ronda los 50.000 habitantes son: Siero (48.991 hab.), Llangréu (46.558 hab.) y Mieres (45.943 hab.). La población total ye de 1.076.635 habitantes (datos del INE de 2005)

Organización territorial

Según l'Estatutu d'Autonomía d'Asturies, a efeutos alministrativos, la Comunidá ta dividida en 78 conceyos, figura qu'anguaño cuenta col mesmu valor llegal que'l municipiu. La entidá menor del conceyu ye la parroquia, que nun tien por qué coincidir por fuercia cola parroquia eclesiástica. Dientro de cada parroquia  estrémense los diferentes barrios.

A efeutos xurídicos n'Asturies atopamos tres circunscripciones eleutorales, siendo la mayor d'elles a efeutos poblacionales la central.

Del puntu de vista xudicial Asturies divídese en 18 partíos xudiciales, con xulgaos de primer instancia na capital de caún d'ellos.

Del puntu de vista sanitariu Asturies tien 8 Árees Sanitaries, 2 Distritos Sanitarios, 66 Zones Básiques de Salú y 15 Zones Especiales de Salú (Datos: Institutu d'Información Sanitaria, 2002).

Webs Temáticas

Destacamos

Contacta

Servicio de atención ciudadana