Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales Portal Socialasturias Portal Socialasturias
 

Portal Socialasturias

Portal Socialasturias

Portal de la Conseyería de Servicios y Derechos Sociales

 

http://observass.com/

Por qué y pa qué se crea OBSERVASS

Información significativa y *accesible sobre'l sistema asturianu de servicios sociales

Nes sociedaes democrátiques avanzaes los servicios sociales configúrense como un elementu esencial del estáu de bienestar. El so desenvolvimientu y modernización esixen ameyorar les funciones d'análisis y investigación pa lo que ye imprescindible cuntar con un sistema d'información sólidu y fiable que dexe la dirección, planificación y evaluación afayadiza de los servicios.

Nesti sentíu, la creación del Observatoriu Asturianu de Servicios Sociales tien la finalidá de:

1. Facilitar y analizar información que dexe una meyor conocencia de la situación de los servicios sociales de la nuestra Comunidá Autónoma cola mira de favorecer la toma de decisiones nel diseñu y desenvolvimientu de polítiques sociales.

2. Asesorar a la Dirección Xeneral con competencia en materia de planificación de servicios sociales nel exerciciu de les sos funciones como unidá estadística.

3. Facilitar el llabor a profesionales del ámbitu técnicu y/o científicu rellacionaos colos servicios sociales.

4. Materializar el derechu que tien la ciudadanía d'accesu a la información qu'obra en poder de l'Alministración sobre los servicios qu'empresta y del so impactu na sociedá

 

Conteníos y estructura

Los conteníos d’OBSERVASS dexen:

1. Conocer y visualizar de forma rápida y senciella les principales magnitúes del sistema de servicios sociales del Principáu d'Asturies al respective de la información sobre determinantes y necesidaes sociales del conxuntu de la Comunidá Autónoma.

 

2. Planificar y evaluar l'adecuación de los dispositivos a les necesidaes del territoriu al que dan cobertoria asina como potenciar l'actuación preventiva de los mesmos.

3. Dir avanzando nel diseñu d'indicadores significativos y de referencia del sistema públicu de servicios sociales.

Too ello al traviés d’estos apartaos:

Datos estadísticos

Presenta datos estadísticos sobre persones usuaries, recursos y prestaciones del sistema asturianu de servicios sociales la respective de les característiques sociodemográfiques de la nuestra comunidá

Informes territoriales

Cola mira de facilitar el llabor de planificación y evaluación de los servicios sociales municipales OBSERVASS ellabora informes referíos a nivel municipal, zona especial, zona básica y área de servicios sociales.

Indicadores clave 

L'oxetivu d'esti apartáu ye la construcción d'un conxuntu d'indicadores de relevancia del sistema de servicios sociales capaz de proporcionar, de manera integrada y sistemática, información significativa pal sistema.

Estudios y investigaciones

Nesti apartáu van amosase los estudios y investigaciones realizaos sobre'l sistema asturianu de servicios sociales.

 

Decretu 35/2017, de 31 de mayu , pol que se crea y regula l'Observatoriu Asturianu de Servicios Sociales (OBSERVASS) (BOPA númberu 132, de 9 de xunu del 2017).

 

Destacamos

Contauta

Serviciu d'atención ciudadana