Gobiernu del Principau d'Asturies

Asturies, muncho más cerca

Tas en

Asturias.es Gobiernu Acuerdos del Conseyu de Gobiernu
 

Acuerdos del Conseyu de Gobiernu

  1. octubre
  2. 23 de octubre de 2020
    Alcuerdos del Conseyu de Gobiernu: 23/10/2020

    • Les principales partíes destínense a los planes municipales de contratación, el sostenimientu de la plantilla de los centros especiales y delles iniciatives de formación
    • El Principáu aprueba un proyectu de llei d’autorización d’endeudamiento, por un máximo de 74 millones, para cubrir las necesidades de financiación generadas por el déficit de 2019
    • La puesta en marcha de la Comisión de Coordinación de Acción por el Clima, que implica a varias consejerías, fortalecerá la lucha contra el cambio climático desde la Administración
    • El Ejecutivo dedica 1,1 millones al programa de inserción laboral para jóvenes infractores internos en Sograndio

    El Gobiernu d'Asturies va movilizar 46.624.030 euros pal desenvolvimientu de polítiques actives d'empléu que van beneficiar a más de 15.500 persones en dos años. Con estos fondos va podese impulsar distintos programes empobinaos a facilitar l'insertamientu llaboral de colectivos con especiales dificultaes, mesmo que la formación de paraos y trabayadores.

    Estes midíes cobren especial relevancia nel marcu de l'actual crisis social y económica derivada de la pandemia causada pola covid-19. Per una parte, suponen una potente ferramienta de cohesión social pa evitar la esclusión de determinaos colectivos; por otra, garanticen l'alquisición de competencies profesionales, una condición fundamental pal caltenimientu y la creación d'empléu.

    Los fondos aprobaos güei pol Conseyu de Gobiernu distribúyense en delles partíes:


    • Centros especiales de empleo.
    • Per una parte, destínense 15.403.538 euros a subvencionar dos años, hasta'l 50% de los costos salariales de la plantiya de los 110 equipamientos d'estes característiques que funcionen n'Asturies. Esta actuación va protexer l'empléu de 3.182 persones con discapacidá que trabayen nos centros especiales.
    • Otros 600.000 euros van dexar facilitar formación y accesu a un puestu de trabayu a persones en situación de gran discapacidá. Nestos casos, la financiación pública amplíase en un 10% más pa la cobertura de les retribuciones salariales.
    • Fondos pa los conceyos.
    • El Principáu va dedicar 18.081.800 euros al desenvolvimientu de distintes actuaciones per parte de los conceyos esti añu y el que vien. En concreto:
    • 14 millones van servir pa poner a andar los planes locales d’empléu, que van dexar contratar un añu a 698 desempleados de larga duración. El 15% de los beneficiarios van ser persones que tean cobrando’l salariu social básicu.
    • Otros 3 millones van empobinase a subvencionar la incorporación a xeres municipales de 210 persones moces recién titulaes, al traviés de contratos en práctiques.
    • 1.081.800 euros van mandase a financiar la contratación de 52 axentes de desenvolvimientu local.
    • Programes de formación.
    • L’Executivu autorizó una partida de 12,5 millones pa dos convocatories de programes de formación con esta distribución:
    • 7.538.692 euros pal desenvolvimientu de cursos d’actualización y meyora formativa de trabayadores ocupaos (por cuenta ayena, profesionales autónomos y d’empresas d’economía social), que van beneficiar a unes 4.700 personas.
    • 5 millones pa la realización d’acciones de formación pal empléu empobinaes prioritariamente a persones desempleaes, con una previsión de 6.600 beneficiarios.



    Proyectu de llei p’axilizar los pagos de tesorería

    El Conseyu de Gobiernu aprobó'l proyectu de llei d'autorización d'endeldamientu, por un importe máximu de 74 millones, para facer frente a les necesidaes de financiamientu xeneraes pol déficit col qu'Asturies cerró l'exerciciu 2019. La norma pretende entainar los pagos de tesorería y garantizar el cumplimientu del períodu mediu d'abonu a provisores.

    El Principáu, como la mayor parte de comunidaes de réxime común, devasó en 2019 l'oxetivu de déficit, en gran midida pol impactu de la implantación del nuevu sistema de recaldación del IVA y por un modelu de financiamientu qu'apurre recursos insuficientes p'atender les necesidaes de gastu. Esti fechu minora la tesorería disponible pa les obligaciones al llargu plazu.

    Énte esta situación, y a pesar de qu’esti añu s’adoptaron midíes pa garantizar el pagu a proveedores, el Gobiernu d'Asturies quier aprovechar la posibilidá qu'ufierta l'Estáu de financiar, con un tipu d'interés del 0%, esti escesu de déficit al traviés del Fondu de Facilidá Financiera que se pon al serviciu de les autonomíes. Pa ello, ye necesaria una autorización d'endeldamientu adicional a la que ta fita na Llei de Presupuestos Xenerales del Principáu pa 2020 per parte de la Xunta Xeneral.

    Esti endeldamientu nun implica mayor gastu presupuestariu nel exerciciu, sinón namá una inyección de tesorería, y resulta necesariu pa qu'Asturies caltenga los sos indicadores positivos en relación col periodu mediu de pagu a proveedores, sobre manera nuna situación como l'actual, onde esta cuestión resulta vital pal texíu empresarial asturianu.

    El proyectu de llei va unviase a la Xunta Xeneral lo más aína, col enfotu de que se tramite pela vía d'urxencia.



    Llucha contra’l cambéu climáticu

    El Conseyu de Gobiernu aprobó'l decretu pol que se crea la Comisión de Coordinación d'Acción pol Clima, órganu colexáu y de calter consultivu que va tar adscritu a la Vicepresidencia y Conseyería d'Alministración Autonómica, Mediu Ambiente y Cambéu Climáticu.

    Esti órganu, que va tar presidíu pola viceconseyera de Mediu Ambiente y Cambéu Climáticu, Nieves Roqueñí, busca la integración tresversal de toles polítiques del Executivu rellacionaes col cambéu climáticu, en llínea coles prioridaes de la Unión Europea pa la transición p’hacia una economía verde.

    Ente les sos funciones figuren la d'asesorar a los órganos cimeros de l'Alministración en tolos asuntos rellacionaos col cambéu climáticu, analizar les midíes pa la transición ecolóxica derivaes de les estratexes establecíes a nivel européu y nacional qu'afecten a la comunidá y identificar oportunidaes tecnolóxiques y de captación de financiamientu. La so creación garantiza la necesaria coordinación en materia de cambéu climáticu, qu'afecta a unos quince departamentos del Principáu. Asina, van formar parte de la comisión responsables de materies tan diverses como enerxía, industria, vivienda, infraestructures, mediu natural, asuntos europeos, innovación o salú, ente otros.

    El cambéu climáticu ye unu de los principales retos de tola sociedá asturiana, polo que resulta imprescindible que'l Principáu cunte con un órganu de coordinación interdepartamental que va dexar integrar l'acción pol clima en tomar de decisiones a nivel autonómicu.



    Formación pa mozos y moces infractores

    El Conseyu de Gobiernu aprobó una partida de 1.106.186 euros pa financiar un programa de formación, orientación ya insertamientu llaboral dirixíu a menores y mozos infractores internos nel Centru de Responsabilidá Penal Casa Xuvenil de Sograndio. Los fondos van cubrir delles añalidaes: 19.328 euros en 2020, 276.546 per añu ente 2021 y 2023, y 257.218 euros en 2024.

    Los principales oxetivos d'esta actuación son la reeducación y la reinserción social de los destinatarios, facilitando'l so accesu a cualificaciones profesionales afayaes a la demanda llaboral, práctiques formatives y otres acciones complementaries. Esti proyectu educativu básase nes aportaciones d'un grupu de trabayu d'espertos constituyíu nel Institutu d'Alministración Pública Adolfo Posada y nel que participaron tamién los mesmos trabayadores de Sograndio.



    Auxiliares de conversación pa centros educativos

    El Gobiernu destina 257.600 euros a la concesión de subvenciones a 46 auxiliares de conversación en llingua inglesa pa la so incorporación a les aules asturianes esti cursu. Esta iniciativa contribúi de forma sustancial a impulsar la enseñanza d'idiomes dende'l sistema educativu y tamién a aumentar la competencia oral del alumnáu.

    Los fondos qu'apurre'l Principáu cubren la financiación de l'ayuda mensual que recibe cada auxiliar axudicáu a la comunidá. La selección del personal realízala’l Ministeriu d'Educación y Formación Profesional por aciu d’una convocatoria pública.



    32.000 euros pa les federaciones d’asociaciones moces

    El Principáu va apurrir dos subvenciones de 16.000 euros a les federaciones d'asociaciones xuveniles d'Uviéu y Xixón (conseyos locales de la mocedá) pa sofitar el so llabor de promoción d'actividaes formatives, d'espardimientu y d'ocupación del tiempu llibre, según la prestación de servicios a la mocedá nel ámbitu municipal.



    Conseyu Social de la Universidá d’Uviéu

    L'Executivu aprobó'l nuevu reglamentu d'organización y funcionamientu del Conseyu Social de la Universidá d'Uviéu que respuende a la necesidá d'actualizar y afayar la normativa vixente hasta agora, aprobada en 2002.

    Los cambeos pretenden simplificar el funcionamientu d'esti órganu, incorporando a la so actividá ordinaria l'empléu de nueves tecnoloxíes que faigan que la interacción ente los sos miembros seya más flexible y rápida. D'esta miente, ábrese la posibilidá de celebrar xuntes online, daqué necesariu nestos momentos y de cara al futuru, yá que puede axilizar el funcionamientu del conseyu.



    Ver en formatu orixinal (PDF : 223 Kb )
  3. 15 de octubre de 2020
    Alcuerdos del Conseyu de Gobiernu: 15/10/2020

    • El baremu nuevu aprobáu güei meyora la financiación d’esti serviciu públicu y asina cúmplese’l compromisu adquiríu colos colexos profesionales
    • El Principáu invierte 1,3 millones en dos redes de caminos venceyaes a concentraciones parcelaries de Valdés
    • Los conceyos de Siero y Gozón van recibir caún una partida de 15.000 euros destinada a planes d’integración del pueblu gitanu

    El Gobiernu d'Asturies aprobó güei los nuevos baremos económicos del serviciu d'asistencia xurídica gratuita, qu'inclúin una medría del 4,5% en tolos conceutos polos que se retribuye a abogaos y procuradores y nes cuantíes que perciben los colexos profesionales.

    Esti alcuerdu, que se va aplicar con calter retroactivu a fecha 4 de xunu, día nel qu'entró a valir el nuevu reglamentu d'asistencia xurídica gratuita, da cumplimientu al compromisu adquiríu na última xunta de la comisión mista ente les entidaes colexales y el Principáu.

    Les cantidaes establecíes nos baremos actualizaránse cada añu nel mesmu porcentaxe d'aumentu que les retribuciones del personal funcionario de l'Alministración autonómica. Amás, facúltase a la conseyera de Presidencia a dictar añalmente una resolución na que se recueya l'importe actualizáu de los servicios.

    L'alcuerdu trai novedaes pa l'abogacía, como la medría de la cuantía que perciben los profesionales pol asesoramientu y l'asistencia inmediata a víctimes de violencia de xéneru nes guardies de disponibilidad, hasta asitiala en 99,28 euros. Con esta xubida, va superar la cantidá que s'abona pol serviciu de guardia por asistencia a la persona detenida o presa, afitada en 97,19 euros.

    Tamién s'inclúin nuevos baremos, como'l de procedimientos abreviaos énte l'Audiencia Provincial, que se va retribuir con 314,55 euros, o'l d'asistencia a la comparecencia de prisión o solicitú de midíes cautelares penales, pol que se van abonar 99,28 euros.

    Tamién hai cambeos n'otres tarifes. Por citar dellos exemplos:


    • Na asistencia a la persona detenida, presa o investigada, la prestación individualizada xeneral asítiase en 97,19 euros; el serviciu de guardia de 24 horas sube a 175,56 euros, hasta un máximu de seis asistencies. Si se superen les seis, algamará los 342,76 euros.
    • Na xurisdicción penal, el preciu que se va pagar por un procedimientu con tribunal del xuráu será de 940,50 euros, 276 nún abreviáu y 163,02 por espedientes de vixilancia penitenciaria.

    El reglamentu nuevu d’asistencia xurídica gratuita aprobáu en mayu, con baremos que s’actualicen agora, reemplaza la normativa vixente dende 2007, col fin d’acomodala a los cambios de los últimos años. L’actual llexislación meyora la financiación d’esti serviciu públicu y va dexar adaptalu al despliegue de les tecnoloxíes de la información y la comunicación nel sistema xudicial.



    Sofitu a profesionales de la agricultura y la ganadería

    L'Executivu alcordó destinar 1.377.977 euros a la execución de dos redes de caminos venceyaes a les concentraciones parcelarias de Castru-Preda-Vil.lar y Arcayana, nel conceyu de Valdés. Estes actuaciones, cofinanciaes pola Unión Europea al traviés del Fondu Européu Agrariu de Desenvolvimientu Rural (Feader) van dexar crear accesos que faciliten el pasu de maquinaria moderna a zones de campera, tierres cultivables p’agricultura y forraxe.

    Les obres de la concentración pública de Castru-Preda-Vil.lar van suponer una inversión de 631.536 euros distribuyíos en dos añalidaes, 50.000 pare anguaño y 581.536 para 2021. El plazu d'execución ye d'once meses. D'esta intervención van beneficiase más de 120 habitantes de los trés núcleos que conformen la parroquia d’Ayones y les diez esplotaciones ganaderes que desenvuelven la so actividá na zona.

    Per otru llau, los trabayos na concentración pública de Arcayana suponen una inversión tresañal de 746.441 euros, de los que 50.000 tán conseñaos para anguaño y 696.441, para 2021. El plazu d'execución ye de doce meses. La parroquia de Arcayana ta formada por cuatro núcleos que sumen un centenar d'habitantes y nos que s'asienten delles ganaderíes, tanto de lleche como de carne, que constitúin la principal actividá económica de la zona amás del turismu.



    Subvenciones para prevenir la marginación del pueblo gitano

    Los conceyos de Siero y Gozón van recibir del Principáu una subvención caún de 15.000 euros para sofitar proyectos d'intervención integral pa l'atención y la prevención de la marxinación del pueblu xitanu. Estes iniciatives, previstes nel programa social Plan de Desenvolvimientu Xitanu, impulsáu pol Ministeriu de Derechos Sociales y Axenda 2030, cunten con financiación de les trés alministraciones: el Gobiernu d'Asturies, l'Executivu central y los conceyos.



    Ver en formatu orixinal (PDF : 169 Kb )
  4. 9 de octubre de 2020
    Alcuerdos del Conseyu de Gobiernu: 09/10/2020

    • Un conveniu cola entidá pública Red.es va facilitar la compra de nuevos dispositivos que se van ceder n’emprestu al alumnáu en situación vulnerable
    • El Principáu va echar a andar n’Uviéu el primer centru de crisis destináu a víctimes de violencia sexual, que va ofrecer asistencia dende’l momentu de l’agresión
    • L’Executivu va financiar con 440.000 euros programes d’intervención con menores y families pa evitar situaciones de marxinación

    El Conseyu de Gobiernu autorizó güei la firma d'un conveniu de collaboración ente'l Ministeriu d'Educación y Formación Profesional, la Conseyería d'Educación y l'entidá pública Red.es pa la execución del programa Educa en dixital. Esti proyectu, qu'aspira a afitar el tresformamientu dixital del sistema educativu asturianu, va movilizar 1.734.837 euros cofinanciaos pol Principáu, qu'apurre 346.967, y por Red.es, qu'abona 1.387.870.

    El conveniu, que va tener una vixencia de 46 meses, concrétase na alquisición de dispositivos con conectividá y otros recursos educativos dixitales. Nesti marcu, Educación va encargase d'identificar al alumnáu en riesgu de fienda dixital pa determinar qué material ye necesariu adquirir y a qué centros se va distribuir, con cuenta de que se xestione en forma d’emprestu y se garantice la equidad ente estudiantes.

    L'alcuerdu con Rede.es va dexar poner a disposición de la comunidá educativa aplicaciones, ferramientes y recursos que faciliten la educación dixital y va siguir col llabor empecipiáu col programa Escueles conectaes.

    Esti conveniu refuerza la inversión que ta llevando a cabu'l Gobiernu d'Asturies p’asegurar la calidá de la enseñanza telemática naquelles circunstancies nes que nun sía posible la asistencia a les aules por cuenta de la pandemia del coronavirus. Asina, la Dirección Xeneral de Seguridá y Estratexa Dixital empecipió la compra de mil cámares web, 1.500 ordenadores d'aula con monitores táctiles y otros 500 monitores táctiles más p’acoplar a dispositivos yá disponibles nos centros. Amás, tán adquiriéndose 1.500 portátiles con pantalla táctil pal profesoráu y 1.200 equipos con conectividá pal alumnáu en riesgu de fienda dixital. Estos equipos van llegar a 108 centros.



    Sofitu a les víctimes de les agresiones sexuales

    L'Executivu autorizó un gastu tresañal de 983.182 para la puesta en marcha n'Uviéu del primer centru de crisis pa víctimes d'agresiones sexuales n'Asturies. Estos fondos destínense a la contratación del personal especializao nel períodu 2020-2022.

    La execución del proyectu, con una duración estimada de dos años y siete meses, esixe contratar personal funcionario interín especializao en violencia sexual dende los campos del derechu y la psicoloxía, según la coordinación de toles acciones. El financiamientu va correr a cargu del Pactu d'Estáu contra la Violencia de Xéneru.

    L'equipamientu va siguir el modelu de los centros de crisis anglosaxonos, qu'ufierten atención integral y un acompañamientu interdisciplinar dende'l momentu de l'agresión.



    Programes d’ayuda a la infancia y les families

    L'Executivu destinó 439.450 euros a financiar la convocatoria de subvenciones a favor d'instituciones y entidaes ensin ánimu d'arriquecimientu para'l desenvolvimientu de programes empobinaos a la infancia y les families, nel ámbitu de los servicios sociales especializaos.

    Estos colectivos collaboren cola Conseyería de Derechos Sociales y Bienestar n'acciones específiques para menores y el so entornu, siempre enfocaes a la protección de neños y neñes. Polo xeneral, estos programes pretenden actuar sobre les causes qu'anicien el deterioru familiar, col propósitu d'amenorgar les situaciones de marxinación.



    150.000 euros para el Instituto Nacional de Silicosis

    L'Executivu autorizó'l conveniu de collaboración ente'l Ministeriu pa la Transición Ecolóxica y el Retu Demográficu, la Secretaría d'Estáu d'Enerxía y el Serviciu de Salú del Principáu (Sespa) pal desenvolvimientu d'actividaes de seguridá minera al traviés del Institutu Nacional de Silicosis (INS). En virtú del conveniu, el Principáu va recibir 150.000 euros.

    L'alcuerdu inclúi trés llínees d'actuación: 135.000 euros pa l'asistencia técnica y asesoramientu en materia de seguridá minera, nel ámbitu de la prevención de la silicosis y otres neumoconiosis; 15.000 euros pa la execución d'estudios rellacionaos cola esposición a axentes químicos y les metodoloxíes de midida nel ámbitu de la industria extractiva y, una tercera, ensin cuantía económica, destinada a campañes d'asesoramientu, vixilancia y control d'esplotaciones mineres.



    Convenio para el Festival Danza Xixón/Gijón

    El Gobierno de Asturias va aportar 6.991 euros al Festival de Danza Xixón/Gijón al traviés d’un conveniu suscritu ente la Conseyería de Cultura, Política Llingüística y Turismu y la Fundación Municipal de Cultura de Xixón. La partida ta destinada a financiar seis actividaes del programa: Después de cortar el césped, el valor de no hacer ruido y Talleres en familia, de Zig-Zag Danza; El último día de invierno, de Proyecto Piloto; A flor(es) de piel(es), de Meraki; Sin Título, de Nacho Cárcaba; y Seminarios, de Dana Raz.



    Ver en formatu orixinal (PDF : 174 Kb )

Buscar mas acuerdos

Buscar
Desde
/
/
Hasta
/
/

Información sobre el documento

© Copyright 2006. Gobiernu del Principau d'Asturies