Gobierno del Principado de Asturias

Asturias, mucho más cerca

Estás en

Aniciu Gobiernu Acuerdos del Conseyu de Gobiernu
 

Acuerdos del Conseyu de Gobiernu

  1. julio
  2. 15 de julio de 2019
    Alcuerdos del Conseyu de Gobiernu: 11/07/2019

       - Esta partida destínase a iniciatives pedagóxiques de los centros educativos que fomenten la motivación del alumnáu
       - El Principáu aprueba una xubida adicional del 0,25 % del sueldu del personal de l'Alministración, qu'a partir de la nómina d'esti mes va cobrar un 2,5 % más que l'añu pasáu
       - L'Executivu autoriza la implantación d'un máster en Física Avanzada na Universidá d'Uviéu

    L'Executivu autorizó un gastu de 488.750 euros destináu a financiar la convocatoria pa la selección de proyectos pedagóxicos d'innovación en centros educativos sosteníos con fondos públicos. La finalidá d'esta midida ye prevenir y reducir el fracasu escolar, asina como l'abandonu tempranu, mediante’l fomentu de bones práctiques.

    Pa llograr esti oxetivu, utilícense metodoloxíes innovadores d'enseñanza que s'espleguen en proyectos diseñaos pol profesoráu cola mira d'aumentar la motivación del alumnáu y ameyorar la formación de los docentes.

    Esta iniciativa, qu'incluye la concesión de subvenciones en réxime de concurrencia competitiva pal cursu viniente, tien financiamientu del Ministeriu d'Educación y Formación Profesional y del Fondu Social Européu, nel marcu del Programa Operativu d'Empléu, Formación y Educación 2014-2020.



    Sueldu de los emplegaos públicos

    El Conseyu de Gobiernu aprobó un alcuerdu sobre les retribuciones del personal de l'Alministración que contempla, con efectos a 1 de xunetu, una xubida adicional del 0,25 %. D'esta miente, la medría del sueldu de los emplegaos públicos a partir d'esti mes va ser del 2,5 %. Amás, la xubida media anual establezse nel 2,375 %.

    Esti aumentu del 0,25 % taba vinculáu a que l'alza del PIB del 2018 algamara'l 2,5 %. En verificando'l cumplimientu d'esti requisitu, el Conseyu de Ministros autorizó'l 21 de xunu la xubida adicional pal personal del sector público que, tal que recueyen los presupuestos xenerales del Principáu, tien el so consiguiente treslláu a la plantiya de la comunidá autónoma.

    La medría va facese efectiva na nómina próxima, correspondiente al mes de xunetu.



    Ampliación de la ufierta de másteres universitarios

    El Principáu autorizó la implantación na Universidá d'Uviéu del Máster Universitariu en Física Avanzada: Partícules, Astrofísica, Nanofísica y Materiales Cuánticos.

    El conseyu de gobiernu de la institución académica aprobó la propuesta sobre estes enseñances el 14 de xunu del 2018, y el conseyu social retificola’l 28 del mesmu mes. Darréu, el Conseyu d'Universidaes dictó resolución de verificación positiva del plan d'estudios el 11 d'abril d'anguaño.

     

    Formatu orixinal (PDF : 110 Kb )

Buscar mas acuerdos

Buscar
Desde
/
/
Hasta
/
/

Información sobre el documento

© Copyright 2006. Gobierno del Principado de Asturias